ازيكم يا حلويين يا طعمين وحشنى يا غاليين لو اغمض وافتح والاقيكم جايين
بس خلاص بلاه الكلام الفاضى دا مش لاقين غير فيرى
المهم انا جايبه لكم اكله انما ايه تاكلوها وتحلفوا عمركم متبطلوها حتى لو عاميلن ابو الدايت مش بيقف قصاده
الاكله اسمها دس ايون دس او برمه او برام
كله معاها بيمشى بس المهم الطعم
انا عملاها بلحمه وهى ممكن تتعمل بفراخ او بط او لحمه واى نوع لحوم معاها بيمشى
المهم ميكونش كندوز
هنيجى للتفاصيل الديتلز بتاعت الاكله بتاعتنا وطبعا بالصور المكثفه من مطبخى وفرنى
بس ايه ولا اى اى ولا زى زى
هنزل لكم صور بدايتنا ازاى نعاير الرز ونعرف انه مظبوط لغايه الاخر
تمام تمام
دا الرز ونحطه فى البرام ويكون نص البرام او اقل سنه علشان نعمل حساب الرز انه هيزيد وكمان اللحمه واللبن
هنغسل الرز ونسيبه يتنقع او نكمل كله مااااااااااااااااااااااااااشى
هناخد اللحمه بتاعتنا ونغسلها وكله تمام ونجيب طاسه ونحط فيها زيت خفييييييييييييف
ونسخنها جااااااااااااااااااااااااااااااااامد ونحط اللحمه فيها ونشوح اللحمه كويس يعنى تنزل الميه
بتاعتها وتنشف وتاخد لون اوكى
بعدها هنجيب الرز ونصفيه من ميه النقع ونحط عليه فلفل زى الصوره دى ونلف الرز بالفلفل كويس
وبعدين هناخد البرام بتاعنا ونحط فيه شويه رز بالفلفل فى القاع
بالظبط زى الصوره الحلوه دى
وهنبدا نطلع اللحمه بعد ما شوحناها كويس ونشفت ونرصها فى البرام بتاعنا
اوكى
وزى الصوره رصيت اللحمه ورشيت عليها فلفل اسود وملح بس مش كتير حاجه بسيطه لاننا هنزود
لسه الملح فى اخر التحضير
وبعدين هنحط الرز الباقى كله ونعدله على اللحمه ونساوى البرام ونحط ايه
لبن اد ايه هقولك اد المج دا كده وممكن تزودى بس بلاش كتير لان لو زودتى كتير اوى هيخلى البرام
مش هيستحمل نار ويعمل قاع وحروف حمرا وتتحرق اسرع
ممكن تكونى مسخناه او بارد اى حاجه بس طبعا لو سخن هيخلى البرام ينشف بسرعه اكتر من غير ما ياخد وقت كتير
هنضيف اللبن على الرز ونزود مايه كفايه الرز يعنى ميه زى منكون بنسوى الرز عادى
ونظبط الملح وهيكون كده
وطبعا نسخن الفرن اووووووووووووووووووووى
وندخل البرام زى كده
اكيد شايفين النار فوق هاديه اد ايه وطبعا كمان شايفين النار تحت طالعه من تحت ازاى
يعنى عالى من تحت وهاااااااااااااااااااااادى من فوق
ونسيبه يتشرب اللبن والميه بتاعته زى كده
شايفين شكله جميل ازاى ماشاء الله عليه وعليا شطووووووووووووووووره
هنزود ايه هنزود من دول
اه ميه وزيت بس قبل ما نحط هناخد السكينه ونمشيها فى حروف البرام زى كده ونرفع بيها القاع
بتاع البرام لفوق سنه صغيره
زى الصوره دى
وبعد ما عملنا بالسكينه من الحروف هنغز البرام من فوق لتحت بالسكينه علشان يقبل الميه والزيت هنزود شويه ميه صغيرين اد نص او تلت اربع كوبايه شاى وتحطى الزيت بتاعك كفايه الرز
يعنى زى ما بتحبيه
ونرد البرام الفرن تانى بس هنغطيه ونسيب النار عاليه دقيقه ونهديها بقى من تحت خااااااااااااااااااااااااااااااااااااااااااااااااا ااااااااااااااااااااااااااااااااالص زى ما بتهدى للرز على البوتاجاز
وانسيه بقى اد تلت ساعه وبعدها طفى النار وسيبى البرام فى الفرن كمان ربع ساعه
ولما هيطلع هيبقى كده
نشيل القشره بتاعته وفى ناس بتحبها وهى جميله كمان بس على كيفك اللى تحبيه
وتعمليه بالسكينه من الجناب وترفعيه تانى وتقلبيه فى حاجه واسعه او سيرفيس الاكل براحتك كمان
اكيد شايفين الجناب نازله ومش لازقه ولا محروقه
وتقدميه بطريقتك اللى تحبيها
وتقدمى معاه سلطه خضرا ومخلل ومش هحرمكم منهم بلاش اتعبكم خالص
ودا مش اى مخلل دى عمايل نور طبعا والسلطه هايله بس زوديها شويه خضار كمان
لانى خلصت والشيبسى العيال كانوا بيتسلوا فيه مرضيتش احرمهم منه
وبالهنا والشفا
بجد انا تعبت جدا فى التنزيل والتصوير لو عجبكم متحرمنيش من تقييم
ولو حتى ممتاز كله منكم حلو بس مش اقل من ممتاز
طمعانه فى كرمكم باه
بااااااااااااااااااااااااااااااااااااااااااااااى
اشوفكم فى طبخه قادمه ان شاء الله
مواضيع هذا القسم برعاية
نور 2024 نور 2024 206986_4.gif سوبر فتكات Fatakat 206986 قدام الكمبيوتر او المطبخ آآآآآآآآآآآآآآها – فى بيتنا