السلام عليكم يارب يصلح حال بلدنا يااارب
انا مش واثقه في كلام الدكاتره و حقولكم ليه
انا بنتي 8 شهور جالها التهابات حلق 3 مرات في شهرين بتتعدي مني وكنت للاسف بأكلها من بوقي و اكتشفت ان ممكن الفيروس يكون عندي و انقلوهلها فتتأثر بيه أكتر و ده كان تالت مره
سخنت و ودتها لدكتور لبناني قالي دي بتسنن و عندها التهاب حلق من التسنين لان السنان مسخنه بوقها فبتخلي المكروبات تنشط في الحلق فعملت التهاب و متديهاش مضاد هي حتخف لوحدها طبعا مقتنعتشي و طول الليل سخونيه بتوصل ل 39.5
تاني يوم العصر لما باباها جه من الشغل ودناها لواحد تاني هندي قال نفس الكلام و طول الليل سخونيه متواصله عقلي راح مني روحت انا بيها تاني يوم الصبح لدكتور مصري و قالي لازم تتحجز دي عندها حويصلات صديديه علي اللوز و لازم تاخد مضاد في الوريد و كانت بهدله الكانيولا و اتعذبت يا عيني وهي بتركبها المهم قعدنا يومين و فوجئنا ان الدكتور بيقول عندها نسبه صديد عاليا في البول من 70 ل 60 ولازم تقعدوا يويمين تاخد مضاد تاني كل ده و هي عايشه علي المحلول و بترضع مني لكن انا لبني يجي رضعه و نص لان لبني قليل.. وعملنا اشعه تلفزيوينه علشان نتأكد ان حجم الكلي طبيعي و ان مفيش عيوب خلقيه و الحمد لله طلعت تمام
المهم طلعنا من المستشفي و الدكتور المصري حجزلنا معاد عند دكتور مسالك بوليه متخصص عراقي و كنت عانده انهارده قالي طيب العيله فيها تاريخ وراثي ان حد تعب قبل كدا قولتله خالها كان عنده عيب خلقي و اتعالج منه بعمليتين و هو 4 سنسن قالي طيب لازم اعمل قسطره ادخل امبوبه من مجرري البول و تأكد ان مفيش ارتجاع للبول
وحدد معاد بكره الصبح انا بقي مش عارفه باباها بيقولي لأ ملوش لازمه انا باقول نعملها بسس خايفه علي بنتي من تعبها لاني جربت القسطره في الولاده القيصريه متعبه و كمان حيدخلوها من غير بنج و طبعا حتبهدل الدنيا.. غير ان قلبي بيقولي ان اول مره خدت التهاب حلق كان معاها التهاب بول لأنها كانت سخونيه جامده يويمين و نص حتي بعد المضاد لكننا
معملناش تحليل ساعتها
ياريت اللي كان ليها تجربه تقولي عملت ايه وهل اعملها الاشعه بتاعت بكره دي ولا رايكم ايه ادعولي اطمن عليها و يبعد عنها عنين الناس هي اصلها عشريه و لما نخرج حتي للمستشفي تبقي سخنه و تعبانه و تقعد تضحك للناس و يفتكروها سليمه و بتدلع و الناس بتبصلها كتير ربنا يحفظك يا بنتي و يحفظلكم ولادكم ياااارب
بنوته توتا بنوته توتا فتكات رائعة Fatakat 338091 مصر – مصر