السلام عليكم ورحمة الله وبركاته
انا اختى البريوت اتاخرت عليها 4 ايام وعملت التحليل الرقمى طلعت النسبة 0.1 ولما سالت الدكتور بتاعى قالى ان النسبة اقل من5 يبقى مش حمل
المهم هى استنت لحد مابقى 10 ايام تاخير وعملت اختبار منزلى وظهر خطين الحمدلله وطلعت حامل
وراحت عملت سونار واتاكدنا انها حامل الحمدلله
بس مثلا على حسابها كانت المفروض هاتخلص الشهر التانى وتدخل التالت بس الدكتورة قالتلها انها من السونار باين انه لسه فى شهر ونص
يعنى ممكن يكون حصل تبويض متاخر وحصل تخصيب للبويضة متاخر وهو ده اللى خلى الحمل مايظهرش فى التحليل الرقمى اللى هو اساسا دقيق جدا
انا قلت احكيلكم الموقف ده يمكن اى واحدة محتارة تستفيد منه لاننا بجد كنا محتارين معاها
والحمدلله على كل حال
وادعولى ربنا يقومنى بالسلامة لانها خلااااااااص كلها ايام واولد ان شاء يارب تجعلها ساعة سهلة وترزق كل واحدة نفسها فى بيبى وتقوم كل الحوامل بالسلامة
قوولوا امييييييييين
amoola*w amoola*w 91382_1.gif فتكات متميزة Fatakat 91382 بيتى – مع حبيبى