إذا بتحبى الكبدة الجملى بجد تعالى وأنا أعلمك أصول عمايلها ………
الكمية ربع كيلو كبدة جملى تكفى لفردين
4 ملاعق زيت مقدوح – 2 فلفل أخضر عادى أو ( حار ) على حسب رغبتك – طماطماية مقطعه مكعبات ( أو معلقتين صلصة جاهزة) – توابل
1- بتجيبى الكبدة الجملى من عند الجزار
2- هتبدأى بتقطيعها قطع صغيرة بالشكل دا
3- هتحطى فى الطاسة زيت بالضبط 4 ملاعق كبيرة زيت لحد لما يتقدح وبعد كده حطى الكبدة على النار
4- هتقلبى بالضبط الكبدة عدى دقيقة وضيفى عليها الفلفل
5- قلبى الفلفل كمان دقيقه وضيفى عليه الطماطم المكعبات إنا مكنش عندى طماطم وإستبدلتها بمعلقتين صلصه بتديكى نفس النتيجة ماتقلقيش خالص
6- هتسيبى الطماطم تتسبك من دقيقتين ل 3 دقايق وإذا كانت صلصه فبالضبط دقيقه كمان وإقفلى النار
7- هتضيفى التوابل فى النهاية ( مش هتفرق سواء قفلتى النار أو لسه النار شغاله )
8- وأخيرا دا الشكل النهائى ليها فى 5 دقايق عملتى أحلى طبق كبده جملى وصدقينى لو عملتيها بالطريقه دى كل عيلتك هيحبوها ومش هياكلوها بأى طريقة تانيه
نصائح :
ماتحوليش تضيفيلها أى توابل غير دى لإن طعمها هيغير معاكى وفعلا الطريقه دى طريقة مخصوصه للكبدة الجملى وجربى هتعرفى الفرق لإنى أنا من عشاق الثوم فى الطعام وجربت الثوم معاها بجد مكنش حلو خالص وفعلا الطريقه دى هيا الصحيحه
حبيبتى بألف هنا وشفا بعد ماتاكليها لازم تتوضى لإن الكبدة الجملى تنقض الوضوء وسيدنا محمد ( صلى الله عليه وسلم )
قال :
-حديث البراء ، سئل النبي صلى الله عليه وسلم عن لحوم الإبل ؟ قال : توضئوا منها ، وسئل عن لحوم الغنم فقال لا يتوضاٌ . رواه أبو داود ( 184 ) الترمذي ( 81 ) وصححه الإمام أحمد وإسحاق بن راهويه .
والمراد بكلمة توضءوا منها : الظاهر منه هو الوضوء الشرعي لا اللغوي ، وحمل الألفاظ الشرعية على معانيها الشرعية واجب .
اللهم بلغت اللهم فإشهد
وكل سنة وإنتوا طيبين
مواضيع هذا القسم برعاية
lola ali lola ali 688100_9.gif فتكات متميزة Fatakat 688100 القاهره – مصر