السلام عليكم ورحمه الله وبركاته
فتوكاتى حبايبى انا عارفه ان كل واحد مريض بأى مرض بيبقى زى الغريق اللى بيتعلق بقشايه
يعنى لو حد قاله اشرب السم دا هو اللى هايخففك هايشربه ومش هايتردد
علشان كدا كتبت الموضوع دا
انا عرفت معلومه عن دكتور بيعالج بالاعشاب وبيجى فى التليفزيون ومش عارفه مسموح اقول اسمه ولا لأ
ناس كتير بيروحولوا يا عينى علشان يعالجهم وللاسف هو بيدمرهم اكتر معلش انا رغيت كتير هاقولكم اللى حصل
من مصدر موثوق فيه جدا جدا جدا يشتغل فى معمل تحاليل قالى ان فى واحده كانت رايحه تستلم نتيجه تحاليل ابنها وهو كان عامل تحليل سائل
منوى لان الحيوانات المنويه عنده كانت قليله وسألت الدكتور عن نتيجه التحاليل الدكتور قالها انه ماعندوش حيوانات منويه خالص
فا الست اتصدمت وقالت دا كان عنده بس قليل وراح عند الدكتور اياه دا اللى بيعالج بالاعشاب واداله مجموغه اعشاب وقاله انها هاتزود الحيوانات المنويه عنده وياحرام الشاب دا صدقه واخد الاعشاب والنتيجه انه قضى على اللى كان موجود اصلا
والست قعدت تعيط على ابنها وتقول حسبى الله ونعم الوكيل على الدكتور دا
انا ليه بقول لكوا على الموضوع دا يا حبايبى علشان تاخدوا بالكوا ومش اى وهم تجروا وراه لو كان فعلا الاعشاب دى هاتجيب نتيجه
كانت شركات الادويه استخلصت الماده الفعاله وعملتها كعلاج طبى دوائى المعروف اللى بيكتب عليه الدكتور
وبالتالى دا بينطبق على علاج التخسيس بالاعشاب بردوا احيانا كتير جدا الاعشاب بدل ما تخسس بتعمل مشاكل صحيه تانيه فى المعده واخيرا حابه اقول لكوا مش اى حد بيبيع الوهم للناس نصدقه ونمشى وراه
ولو المشرفين ماعندهمش مانع انى اقول اسم الدكتور النصاب دا حسبى الله ونعم الوكيل فيه
يبعتولى ويقولولى اقول اسمه علشان الناس تعرفوا وتبعد عنه
ويارب الموضوع يثبت علشان اكبر عدد من العضوات يشوفوه والله العظيم انا قصدى خير
واخيرا لو الموضوع عجبكوا تدعولى بظهر الغيب ان ربنا يحفظ زوجى واولادى ويرزقنا من حيث لا نحتسب
والتقييم بقى يا قمرات
دودو 911 دودو 911 706277_3.gif ممنوعة من المشاركة Fatakat 706277 القاهره – مصر