حد يلحقنى السبيط تقريبا باظ منى

السلام عليكم
محتاجة حد يفيدنى يا جماعة لو سمحتم
عملت امبارح سبيط مقلى
طبعا كلكوا بتقولوا ما فيش أسهل من كده وده برده اللى كنت متخيلاه
وبعدين فتحت فتكات وقعدت أدور على طريقة تكون جديدة وحلوة علشان يبقى زى بتاع بره
المهم لقيت طريقة فيها لبن دى اللى عملتها
حطيت السبيط فى اللبن والليمون
وبعدين طلعته فى الدقيق وقليت لكن المشكلة
أو الحقيقة المشكلتين
أول حاجة هو كان بيشد شوية كأنه مش مستوى
والحاجة التانيةبقى ودى الأهم ان أول ما حطيته فى الزيت طلع من هدومه
مش عارفة ليه
بالله عليكم ردوا عليه ضرورى لأن لسه بقيته هعمله النهاردة
طبعا لما شفت المنظر ده امبارح قلت ألحق منه حبه وأشيلهم
بدل ما يبوظ كله
جزاكم الله خيرا
وان شاء الله منتظرة الرد
مواضيع هذا القسم برعاية

desert.rose desert.rose فتكات رائعة Fatakat 122918 الاسكندرية – مصر

سبحان الله و بحمده