وحشتوونى اووى ويارب تكونوا بخير
موضوعى النهاردة طويل شويه بس صدقينى هتستفادى منه كتيير
وهنتعلم مع بعض ازاى نعيش حياتنا صح ونقدر قيمه انفسنا علشان فيه كتيير منا عايشين
كدة بلا هدف ومش عارفين هما عايشين ليه وهدفهم ايه ؟
هنحاول أول حاجه نعرف ونفهم نفسنا كويس .. يعنى ايه ؟
يعنى نفهم حدودنا وقدراتنا وبعد كدة نبدأ نتقبل أنفسنا علشان لما هتتقبلى
نفسك هتقدرى ذاتك او بمعنى تانى هتحبى ذاتك 
وطالما انك بتحبى الله سبحانه وتعالى
يبقى اكييد هتحبى هديته كما هى يعنى حبى نفسك كما أنتى وتقبليها بشكلك
ولونك وطولك وعرضك .. اتقبلى حالتك الاجتماعيه والماديه
اتقبلى والدك ووالدتك واتقبلى اسمك وشكلك وبكدة هتولدى طاقه عندك اسمها الثقه بالنفس
تأكدى انك أفضل مخلوق عند الله وربنا سخر لك السماء والارض وما بينهما
وصدقينى دة هيدفعك للأمام يعنى لو حبيتى ذاتك عمر ماهيكون عندك عقد نفسيه
يعنى حاولى تغيرى اللى ممكن تغيريه طب واللى متعرفيش تغييرة ؟
اتركيه واتقبليه
كما هو .ودايما ادعى
( اللهم أعنى على تغيير ما أستطيع تغييرة
وتقبل ما لا أستطيع تغييرة )
ورددى دايما فى سرك يارب انا اتقبل نفسى كما انا
اتقبلى نفسك مهما سخر منك الناس ودايما افتكرى المثل الانجليزى ( الضربه التى لا تقتلنى تقوينى )
ومن الآخر كدة مفيش حد فى الدنيا ممكن يأثر عليكى او يزعلك بدون اذنك
يعنى انتى اللى ممكن تسمحى لشخص ان يسخر منك او لا
وتاكدى ان الذى يسخر منك الآن قد ياتى الوقت الذى يحتاجك فيه لتقضى له حاجه
لما هتحبى ذاتك هتعرفى قدراتك كويس وبالتالى هتتعلمى ازاى تكونى ايجابيه
يعنى لازم يكون ليكى بصمه فى هذة الدنيا والبصمه ديه هتكون بطريقتك انتى
المهم انك تتحركى وتتعلمى وتطورى من نفسك باستمرار
يعنى لازم يكون عندك شئ جديد كل يوم تفاجئى بيه من حولك
فاجئى الناس بروعتك وفاجئى نفسك بقدراتك .. اتعلمى اكتر وقولى فى قرار نفسك
( انا رائعه بفضلك يارب لانك خلقتنى فى أحسن تقويم )
ساعدى من حولك .. عيشى سعيدة
او بمعنى تانى اعملى اللى هيوصلك
للسعادة كل واحدة فينا عارفه كويس ايه اللى بيسعدها فنحاول نجتهد علشان نسعد انفسنا ونتخلى عن أى احاسيس سلبيه
استخدمى مهاراتك وقدراتك علشان تعيشى صح
وأخيرا تعالوا ننوى نيه صافيه لله تعالى ان احنا هنحب ذاتنا ونتقبلها زى ماهى
وهنحاول نعرف قدراتنا ونكون ايجابيين ونافعين وبالتالى هنكون قوة مضادة
لأى نقد او احباط هيقابلنا علشان نصنع مستقبلنا بأنفسنا وصدقونى بكدة
مش هنندم على أى لحظه مرت من حياتنا عارفين ليه ؟
علشان كل حياتنا هتكون ماشيه صح .. يعنى
حياه فى طاعه
حياه فى إيجابيه وحب
آسفه جدا لو كنت طولت عليكوا بس حبيت افيدكوا باراء جميله
لدكتور أضاء لنا الطريق لحياه افضل
دكتور ابراهيم الفقى رحمه الله
وأسكنه فسيح جناته
اسيبكم فى رعايه الله
somy semsem somy semsem 635412_31.gif فتكات رائعة Fatakat 635412 جيزة – مصر