السلام عليكم ورحمه الله وبركاته
احبائى فى الله
اخواتى الفاضلات
موضوعى يهمكن جميعا اناعارفه
بسم الله هبدأ تجربتى باردو لانى مش بكتب اى حاجه الا وانا مجرباها
وكان نفسى انزل صور بس سامحونى والله العظيم انا بكتب موضوعاتى بالعافيه من بناتى الله يهديهم
1:حبوب الخميرة من صنع ايديكى منزليا
بتجيبى مقدار من الخميرة الفوريه
ومقدار ليمون معصور
او ماءسلق كرنب
او ماء عادى براحتك
اعجنى مقدار مناسب لحد ماتبقى عجينه عاديه
بس بسرعه اوى يابنات فى شريط برشام فاضى
تكونى مححضراه قبلها
وتضغطى الحبوب فيه وتساويهم حوالين داير لحد ماتنظفى حواليه خالص بسرعه عشان الخميرة ماتتفاعلش
وتدخليهم الفريزر
وتاخدى منهم عالريق حبتين
والخميرةفوايدها كالتالى يا فتوكات
تعتبر الخميرة من الناحية الغذائية مادة بروتينية عالية المحتوى من الفيتامينات وخصوصاً فيتامين (ب)، والخميرة مفيدة للصحة فهي بروتينات بها الأحماض الأمينية الأساسية التي يحتاج إليها الجسم وهي عالية المحتوى في الفيتامينات خصوصاً مجموعة (ب) التي لها أدوار عديدة في عمليات التمثيل الغذائي في الجسم.
كما أن الخميرة غنية بالمواد المسماة القواعد البيورينية التي تكون الأحماض النووية في الجسم (RNA) و(DNA)، وهذه القواعد مهمة أيضاً لنشاط الاستجابة في جهاز المناعة في الجسم.
وطبعا مش لنقص الوزن هى فى الاغلب للى عاوزين يتخنو يابنات
بس هى مفيده جدااا للبشرة ومضرة للى عندهم نقرس لزياده البروتينات فيها
هاتى جميع اعشاب التخسيس من العطار
انا جبت
شمر
زعتر
بذر كتان
بذر الرجله
بذر الكرفس
بذر الخس
رجل الاسد
وفتحت كيس شاى رويال ريجيم عليهم
لانه بيعمل تليين للامسك مع الريجيم
كمون
قرفه
جنزبيل
ولو تحبى اى اعشاب ضيفى براحتك
هتعجنى بليمون مش خل لانه امان فى كل الاحوال عالمعده
لانك حبوب الاعشاب دى هتاخدى منها عالريق
وقبل كل وجبه بربع ساعه
ومش هتطحنى الحبوب كلها
كل حاجه تتطحن ماعدا
بذر الكتان
وبذر الرجله
وبذر الكرفس
وبذر الخس
لانهم لو اتطحنوا هيفقدوا محتواهم يا بنات انا حذرت
وخصوصا الجميله حبيبه قلبى
بذرة الكتان
وتعمليهم بنفس طريقه الخميرة
ويتخزن فى الفريزر ومتقلقيش بيتبلعوا
ومش هيعوروا زورك
ولا اى حاجه كمان لو انتى مش عندك شرايط برشام فاضيه
شكليهم انتى صغير
انا يا بنات باخد اربع حبات عالريق او 2
على حسب مزاجى وقبل الاكل
بربع ساعه والحمد لله مفعولهم رااااائع
وكل المكونات غنيه عن التعريف
ومحدش يقوللى ان بذرة الكتان بتجيب عقم
كلها اشاعات حريم مصريين انتو فاهمين
حتى الان مافيش دراسه رسميه ولا علميه قالت كده
جزاكم الله خيرا
3:حبوب خل التفاح المخفف
بتجيبى ربع كوب خل
وربع كوب ماء
وطبعا لما هتبلعى الاقراص بالميه هتتخفف باردو ويفضل تشربى ميه كتير وانتى بتاخديهم
وتجيبى قطارة وتصبيهم فى شرايط البرشام
وعالفريزر
بس فى تنبيه يابنات
انا مش مسؤله عن اى واحده فصيله دمها تتعارض مع الخل
او تاخدو عالريق لانو بيهدد جدار المعده
امال نعمل ايه يافتوكه
بعد الاكل تروحى هووووووووووووب واخده حبتين
ها حلو كده
طيب وبعدين
ابدا هقولك الخل بيعمل ايه فى الجسم
بيشد الجسم وبيحرق الدهون الزايده فى الاكل
وطبعا بما انك بتعملى دايت اكيد بتاكلى
وانتى متردده ومتشككه فى الى بتاكليه
هو نافع غير ضار
بس قبل ماتستعمليه اعملى سيرش عالجوجل عن فصائل الدم وغذائها عشان تعرفى الخل اصلا مناسب ليكى ولالا
4:حبوب الثوم والليمون
بتقطعى الثوم الكميه اللى عاوزاها
وتعصرى الليمون عليها وتحاولى تحطيهم فى شريط البرسام بتعادل يعنى حبه ليمون مع حبه ثوم مفيد عالريق جدااااااا
للتخسيس وللكرش بالذااااااال
غير انه مفيد للشعر والبشرة وطبعا مضاد حيوى خطيييييييييير لاى حاجه
طبعا انا مش مقصرة اهو
تقيييييييييييييم
5:حبوب الرده
بتعجنى الرده بالليمون باردو
وبنفس الطريقه وطبعا كلنا عارفين
الفيتامينات الى فى الرده الرهيبه المفيده للبشرة والشعر
وكمان بتخسس الارداف والبطن جداااا
6:بصوا بقى ممكن تعملى اى حاجه
مش بتحبى تاخديها عشان طعمها حبوب انا عن نفسى عملت كده
من هنا ورايح متشتريش اى حبوب تخسيس
هيكون عندك صيدليه كامله يا حبايب قلبى لكل حاجه للتخسيس والفيتامينات
والمضاد الحيوى وشدالجسم
وحرق الدهون
7
والله العظيم الموضوع مجهود شخصى لو عجبك قيمى جزاكى الله كل خير
ظهرى اتقطم وانا ممققه عنيا
عميييييييييييييييييت
لكن كله يهون فدا دعوة حلوة بظهر الغيب من حبيباتى فتوكاتى
عارفين اللى مش هتقيم
هعرفها وهعمل معاها ايه
هى هتعرف بقى
لاتنسونى من صالح الدعاء بارك الله فيكن يا حبيباتى
اشوفكم فى وصفه جديده باذن الله
شذى ياسمينه شذى ياسمينه 595627_5.gif فتكات ست الكل Fatakat 595627 الفروانيه – خبيره تجميل بالكويت