السلام عليكم
كتير منكم عارفين قصتى
وعشان اللى مش عارف هاقولها باختصار عشان ماطولش عاليكم
انا حملت مرتين قبل كدة عن طريق الحقن المجهرى لمشاكل عندى وعند جوزى
الاولى ولدت فى الخامس وكنت حامل فى ثلاثة وعملت ربط بس كان طول فترة الحمل تعبانة اوى وعلى طول فى المستشفى وكان عندى نزيف طول فترة الحمل.
الثانية ولدت فى نصف السادس وكنت حامل فى تؤام بس الدكتور قالى مش محتاجة ربط واعدو فى الحضانة يوم وتوفوا وكان عندى نزيف من اول الشهر الرابع من الحمل .
المرة دية الحمد الله والله الحمد نقلت بويضة واحدة فقط بس ارادة ربنا فوق كل شىء انقسمت البويضة وبقيت حامل فى تؤام فى كيس واحد
طبعا انا ثقتى فى الله كبيرة زى مارزقنى بيهم ان شاء الله يحفظهم من كل شر
بس الواحد لازم يعمل اللى علية عشان ضميرة يبقى مرتاح وخصوصا ان فى المرات اللى فاتت كان فية تأثير من الدكاترة فى متابعة الحالة وعمل اللازم
اولا -باخد المثبت فترة طويلة وبدل الحقن باخد مثبت لبوس مهبلى ومتهايلى هاستمر عالية للخامس او السادس وكمان باخد حقن السيولة كلكزان عشان عندى نسبة بسيطة تجلط فى الدم +حقنة البيوفيت مرتين فى الاسبوع+حمد الفولك قرص 4 مرات فى يوم
ثانيا-انا عملت ربط الحمد الله
ثالثا – هامل مسح على عنق الرحم كل شهر
رابعا – سمعت انى المفروض اول مادخل فى الخاامس باذن الله اخد ادوية تمنع تقلصات الرحم مثل اليتوبار
خامسا- سمعت ان المفروض اخد حقن كرتيزون عشان رائة الجنين تخليها تنموا بسرعة وبالتالى لو حصل ولادة مبكرة يقدر يعيش
سؤالى هو
1-هل انا كدة ماشية صح؟
2- رابعا وخامسا الدكتور مالقيش عاليهم خالص عرفتهم من على النت حد يعرف عنهم حاجة؟
3- اتمنى لو حد مر بمثل حلتى ولد بسلامة يطمنى ويقولى عمل اية؟
ربنا يخليكوا ليا يا رب انتم كلكم فعلا اكتر من اخواتى ووبنستفيد دايما من بعد
اسالكم الدعاء ليا ولكل محروم من نعمة الذرية
فــوضـت أمــري إليـك ربّـــي
فهـب لـي مـا أتمنى وأجعل فيـه الخيــر
♥
sally23 sally23 فتكات رائعة Fatakat 5489 القاهرة – مصر