ازيكم يافتوكاتي
وحشتونيييييييييييييي
اولا انا بحب فتوكه فتوكه كله يعني
ندخل بقي في الموضوع
انا عملت النهارده شاورما لحمه
وجوزي جي الظهر علشان ناكل
وحطيت طبق الشاورما قدامه
ملاحظه طبق من المقاس الكبير قوي
وهو اساسا اكلته صغيره
المهم قعدت ااكل البت شوربه خضار
وبصيت فجاءه جمبي الاقي الطبق فص ملح وداب
وفاضل حبه صغيرين مياكلوش فار
قالي هتكليهم ولا اكلهم
قولتله لا ياحبيبي طبعا كلهم
قالي اصل خايف عليهم يترموا
ههههههههه
قولتلو لا متخفش مفيش حاجه هنا بتترمي
قعد يضحك واتكسف بقي قال بقي اسيبهملها تاكلهم
المهم ندخل علي الطريقه
سلقت اللحمه في شويه مياه فيها بصل وجزر وفلفل اخضر وبهارات ومرقه
وبعدين جبت طاسه حمرت فيهم شويه بصل وحطيت عليه جزر مبشور وفلفل اخضر رومي وحراق وقلبت شويه
وبعدين حطيت قوطايه مقطعه صغير
وبعدين فصين توم كده
وسبتهم علي النار
ورحت اقطع اللحمه شرايح رفيعه وحطيت عليهم نص معلقه صويا صوص
وحطيته علي الخليط وحطيت عليهم حبه طحينه صغيريييين
ومعلقتين زبادي صغيرين
وبهارات وحبه خل وليمون
ووطيت التار خاااااااااااااالص علي الاخر لحد ما يجي
لقيت اللحمه طريت قوي لما كنت موطيه النار عليها
وبس كده
وبلهنا والشفا
سبحان الله وبحمده سبحان الله العظيم
واخر حاجه بقولها ليكم نورتوني من قبل ماتدخلو
واوعو حد يخلص الطبق كله كده زي ناس
والسلام عليكم
سبحان الله والحمدلله ولا اله الا الله والله اكبر
https://fatakat.univanet.com/#1438151 مواضيع هذا القسم برعاية
ام عائشه محمد حسام الدين ام عائشه محمد حسام الدين ممنوعة من المشاركة Fatakat 352580 جده – السعوديه