بسم الله توكلنا على الله
اولا بعتذر لاي فتوكة اخدت صورتها بدون ما اقصد (لاني جايبة الصور من عالنت)
ثانيا بقى هنبدأ بــالمفروشات
بصي يا عسولة انتى وهي احنا هنجيب فى حدود المعقول.. لا عايزين نفتري ولا نجيب قليل بردو
الملايات
لو تاخدو بالكو النص الفوقاني حاجات كلاسيك شوية والنص اللى تحت ينفع مودرن.. ودي حاجة لازم تراعيها وانتى بتشتري الملايات بناء على نوعية عفشك ياعروسة
لقيت من خلال تجارب عرايس كتير ان عدد 10 طقم ملايه لحد 15 مثلا حلو قوووووووي
هتنوعي ما بين مطرز (راعي يكون التطريز على الجوانب بس مش عالجزء اللي هتنامي عليه علشان ميضايقكيش)
ومنقوش
وسادة خالص (ستان او قطن او قطيفة بقى على حسب ما تحبي)
مفرش العروسة
وطبعا المفرش اللى على اليمين ينفع كلاسيك واللى على الشمال مودرن اكتر.. واللى فى النص لحاف ينفع مودرن او كلاسيك بسيط.. والبطاطين انا بفضل الخفيفة الاسباني بتدفي جداااااااا
(مش بفضل ان سعره يزيد عن 500 ابدا بصراحة)
لو فرشك مودرن دوري على واحد رقيق يا اما تستغني عنه بلحاف شيك
لو فرشك كلاسيك يبقى عادي هاتيه مزخرف هيليق
2 بطانية و1 لحاف
يا اما لو مش بتحبي اللحاف زيي هاتي 3 بطانية
الاسباني الاصلي مورا اقل حاجة ب800 تقريبا.. والتقليد بتاعها مورانو فى حدود 250 وفيه بقى الكوري والمجد بصراحة معرفش اسعارهم
المفرش البوكليت ده يا بنات ناعم وعجبني قوووووي بس نصيحة لوجه الله اغسليييييييييه قبل ما تفرشيه هو والكوفرتات
2 مفرش شتوي
فيه المفرش الموهير او البوكليت الاتقل شوية بحوالي 60 جنيه وفيه الطقم بتاع المجد اللي بيوصل ل 200 جنيه
2 كوفرتة على حسب زوقك والامكانيات فيه ناس تحب التقليدية القديمة وفيه ناس تحب الاشكال المطرقعة او القطيفة.. عموما العادية من 45 لحد 90 جنيه تقريبا.. والقطيفة بحوالى 320 والقطن من 300 ل400 والفايبر الخفيفة فى حدود 200
بردو يا بنات راعي فوط التواليت تكون سادة خالص ومش مطرزة وتكون خامتها حلوة والبشكير لو قدرتي تطقمي معاه فوطة وسط من نفس لونة يبقى حلو جدااااااا
البرنس (الفرداني احلى من الطقم) علشان وبرته اعلى وبيتراوح من 75 ل265 بتاع كاربت سيتي
2 بشكير وواحد تالت يكون اطفالي شوية
6 فوط فرداني سادة خالص مقاس وسط
ومعاهم 6 تانيين نفس الوانهم مقاس اصغر (انا جبت الفوطة الوسط السادة خالص من الغورية بحوالي 18 جنيه ومردتش استغلى)
طقم فوط مطرز شيك وده هتحطي منه لما يجيلك ضيوف (وده جبته غالى وشيك بس بردو مودرن وغالب عليه السادة حروفه بس اللى مطرزة)
وبلاش أي فوط قطيفة يا بنات مش عملية ومش بتنشف هاتي اللى قطن من الوجهين
8 الى 12 فوط تواليت المربعة الصغننة دي (ويفضل تجيبيها سادة خالص بلاش المطرز)
طبعا فوق الذوق المودرن واللى على الشمال تحت ده مفرش سفرة شغل هندي واللى على اليمين مفارش نيش شغل هندي بردو هتراعي لون عفشك والصيني وانتى بتختاريهم
6 الى 12 فوطة مطبخ ويفضل الوان غامقة تستحمل عك وبهدلة المطبخ يا بنات
فوط سفرة (بتنفع فى العزومات فقط.. وياريت تكون من مية الطقم الصيني.. يعني لو نقشته فضي هاتيهم رمادي لو نقشته دهبي هاتيهم بيج لو نقشته ملونة ياريت اقرب لون لنقشة الطقم الصيني)
مفرش السفرة
(هيبقى شغل سورى او هندي لو سفرتك كلاسيك ومفرش رانر او ستان لو سفرتك مودرن ويفضل بردو يكون من نفس مية الطقم الصيني والوان الحيطان)
مفارش النيش (هتراعيها سادة خالص او حتى هتستغني عنها لو سفرتك مودرن) وبراحتك بقى مطرزة زي ما تحبي من الشغل الهندي والسوري
خلاويييييييييييص النهاردة
وبإذن الله بكرة اظبط صور جزء اللبس وجزء المكياج.. وقريب اخلص جزء المطبخ وهطلب من المشرفة تضيفهم في أول مشاركة
*جديد*
مستلزمات العناية الشخصية
جديد.. خروج وبيت وداخلي ولانجيري
جديد.. الخزين وحلة الاتفاق
جديد.. المطبخ تقايل وزجاج
جديد.. المطبخ رفايع
جديد.. البلاستكات
جديد.. النيش
جديد.. الأجهزة الكهربائية والخلاط
جديد.. طريقة تخزين جهازك
جديد.. مفارش الأطفال
جديد.. موضوعي التاني عن الفرش المودرن
https://fatakat.univanet.com/#4768631
مش طالبة غير تدعيلي ربنا يجمعني بمن اتمنى فى الحلال عاجلا غير آجلا ياااااااااااااااااااارب حتى لو في سرك
استنو استنو رايحين فين
ايدك على التقييم يا فتوكة انتي وهي دنا طلع عيني فى الكتابة والبحث عن الصور وتظبيطها
fairouzelhendy fairouzelhendy 214025_2.gif فتكات رائعة Fatakat 214025 cairo – egypt