سالخير ع الكل الفتوكات حبايبى
انا عروسه وبجهز وكنت بعانى لانى معرفش ايوتها حاجه
بس دورت كتيييير وتعبت كتيييير وعرفت كتير برده الحمدلله
قلت افيد كل العثاثيل اللى زيى واقولهم ع كل حاجه عرفتها
ف ج-هاز العروسه من الالف لليااااااء
هتكلم عن حاجات كتيره اوى وهبدا النهارده بحاجه بتدوخ عرايس كتير وهى @لبس العرووووووسه@
اولا ملابس النووووم
بصى ياعروسه ياننوسه مش لازم تلتزمى باعداد معينه
يعنى انا مثلا كنت اعرف انى اجيب 3 قميص قصير و3 طويل و……
بس لما شفت بعينى بقيت اجيب اللى هيناسبنى اكتر ويكون جميل عليا عموما انا هكتبلك حاجه تقريبيه كده واقولك انا عملت ايه او جبت ايه
3قميص نوم قصير و3 طويل دووول من غير روب
و3 قصير و3 طويل دوووول بروب
انا بقى لما جيت اجيب لقيت القصير حلو عليا اوى لانى رفيعه والطويل بيكون واسع عليا ومش مبين مفاتن جسمى
وكمان قليل اوى ماتلاقى حاجه بروب وتعجبك او تكون شيك
لقيتى خير ملقيتيش عوضى من حاجه ف حاجه
يعنى انا مجبتش ولا قميص بروب طويل
اللى جبته قصير من غير روب كتير واتنين بس بروب
وفى موضه جميله ف قمصان النوم طبقتين طبقع قميص صغنن ماسك ع الجسم وفوقه طبقه مروحه او فراشه تل والصدر عليه شغل جااااامد جدا
وجبت قميصين طوال كانو واسعين عليا ومش لطاف خالص
قميص ليلة الدخله
فى ناس قالت يكون طويل علشان العروسه بتتميز بخجلها وحيائها ف اول يوم ده والعريس مش بيحب الواحده اللى تلبسله مشخلع كده من اول مره بتبقى اوفر شويه
وفيه قال القميص القصير جميل ويبرز جمال الواحده
انا عن نفسى جبته طويل خالص بس شيك جدا 4 قطه قطعتين شورت وبلوزه حمالات وفوقهم قميص طويل صدره تل وعليهم الروب بفيونكات وفراشات ج-ميل جدا
ورجعت وانا بشترى قمصان النوم جبت واحد ابيض اضافى قلت ابقى البسه عادى ولو فكرت البسه ف الصباحيه ااووووك
وانتو ليكو حرية الاختيار والوانه يا اما (ابيض _اوف وايت _او روز )
نيجى ل @عباية الصباحيه @
هى بتيجى غاليه اوى وبتتلبس يوم واحد حراااام بس كل واحده وامكانياتها على فكره قميص ليلة الدخله الطويل ال 4 قطع اللى قلت عليه فوق اسمه قميص الصباحيه برده
بيتلبس ممكن ف الصباحيه وهو محترم خالص وشيك وجميل للى مش حابه تجيب عباية الصباحيه
لو هتجيبى بقى ممكن تجيبيها وتبقى تلبسيها ف اول شهر عسل لو حد جايلك ولا كده مره اتنين ولا حاجه
ممكن ف الاعياد تلبسيها از يو لايك
مش لازم تجيبيها غاليه اوى جيبيها بس رقيقه وانيقه ولونها يكون مناسب ليكى انا بحب فيها اللون (الاوفوايت _الاصفر _الازرق ) بس
بعد كده *قمصان وفساتين *
اللى هى الشخصيات التنكريه والكلام ده
انا عن نفسى محبتش ف التنكرى غير شخصية الظابطه او القطه بسسسسس
الفساتين دى بقى مهمه جدا جدا جدا جدا
لانكو زى مابتشوفو التى فى بقى كله كده مناظر بنات لابسين ومتزوقين على طول لاتزم تهتمى بالنقطه دى اوى ع المغرب كده تلبسى كده حاجات من دى
مش هقولك جيبى فساتين وكلام اوفر اوى لااااا
انا عملت ايه اولا انا قمصان النوم اللى جبتها مش جبتها تل ولا شفافه ولا كده لان الراجل دايما عنده حب استطلاع وهو هو اللى يكتشف ياريت تكونو فاهمينى
مبيحبش يلاقى الحاجه سهله كده
فقمصان النوم بتاعتى جيباها استايلات دريسات كده وستانات وليكرا وجلد هما بيجسمو الجسم اوى ويبرزوه
بس ف نفس الوقت مش شفاف يعنى (لابسه ومش لابسه )
فانا قمصان النوم بتاعتى ينفع البسها قبل النوم بفتره ع انها فستان بتبقى حلوه جدىىىىىىىى
نيججى بقى للحاجه المريحه اللى انا شخصيا بموت فيها وهى $بيجامات النوم $
الراجل بيموت فيها وانتى مش هترتاحى غير فيها
مش البيجامخات اللى ببنطلون وكده تؤتؤتؤتؤتؤ لا خالص
الهوت شورت والشورت العاديه
فى منها الستانات جميله خالص مالص وكيوت
وفى قمشه كده زى الليكرا بتلزق ع الجسم الشورت بتاعها لازق والبلوزه ماسكه ع الصدر ونازله واسعه سنه بتبقى جميله اوى
وفى القطن الطريه اوى الجميله دى اللى الشورت بتاعها من الجنبق واخد شكل 8 بالعربى حلوين اوى برده
ده اللى انا فكراه من لبس النوم بيتهيالى مفيش تانى لو افتكرت هكتب ف اللى بعده
بس فى كام حاجه كده عايزه اقولها
البنت الرفيعه مش تلبس واسع علشان ميبانش جسمها لا الضيق اوى بيجسمك ويخليكى لووووووزه عن تجربه
اما اللى جسمها مليان خليكى ف قمصان النوم الطويله بتبقى جميله اوى عليكى وبتبقى فيها ملكيش حل
والبسى ق4صير برده بس المناسب الطويل اللى فيه فتحات
انما القصير هتيجى تقعدى ولا كده مثلا هيترفع منك وهتبقى شغلانه
بالنسبه للالوان العروسه الوانها بتكون فاتحه وجميله ومشرقه كده
وحاولى متكرريش الالوان متقوليش بحب اللوان مثلا الاسود
تروحى تجيبى 3 او 4 اسود لااااااا لااا
الراجل ياحبيبتى مبياخدش باله من الديزاين هو فستان وشايفكم بتكرريه نوعى كده واخطفى عينه
دول كام صوره للحاجات اللىا قلت عليها توضيحا
ممنوع وضع صور من غير طمس
الادارة
وبكده انا خلصت ملابس النوم
التقييم الله يكرمكم تعبت
هنزل لسه باقى اللبس ف الجزء ده
استنوووووووووووووووووونى
MEME ELKINANY MEME ELKINANY فتكات نشيطة Fatakat 1191845 mansoura – egypt