ازيكم يا فتوكاتى يا رب تكونوا كلكوا بخير
وكل سنه وانتوا طيبين بمناسبة العام الجديد
يا رب يكون عام سعيد وعام خير على مصر كلها وعلى كل المسلمين
امبارح عملت جمبرى مقلى ورز أصفر وشوفوا واحكموا بنفسكوا
بس فيه حاجه اللى تدخل الموضوع يا ريت تسيب تعليقها قبل ما تخرج
سواء الأكله عجبتك أو ما عجبتكيش
للتتبيل؛
ثوم مفروم
عصرة ليمون (ما تكتريش)
جنزبيل طازه مفروم أو بودر/ رشة ملح /كمون /كسبره مطحونه/فلفل أسود
للتغليف؛
1/2 كجم جمبرى صغير
2مك نشا
كميه كافيه من البقسماط المطحون ناعم ودقيق الذره
بيضه كبيره
ملح بهارات سمك
2 فص ثوم
بشر ليمونه
1/هنخلط مكونات التتبيله مع بعضها ونتبل بيها الجمبرى
ونسيبه ساعه أو ساعتين
2/بالنسبه لمكونات التغليف أنا ما كانش عندى دقيق أبيض
فاستبدلته بدقيق الذره وكترت النشا شويه
هنحط مكونات التغليف كلها فى المطحنه(عدا البيضه) ونطحنهم علشان ينعموا شويه
وهيبقوا بالشكل ده
3/ فى طبق هاضرب البيضه بشوكه
4/ هاصفى الجمبرى من التتبيله واضيفه للبيضه واغلفه بالبيض كويس
5/ علشان الجمبرى صغير نونو
مش هينفع امسك كل حمبريايه لزحدها واغلفها بخلطة التغليف
سبت الجمبرى فى الطبق بعد ما غلفته بالبيض كويس
وابتديت أضيف عليه خلطة التغليف شويه شويه
لحد ما أحس انها بقت عامله زى العجينه اليابسه ومغلفه الجمبرى
زى ما فى الصوره
6/ حضرت طاسه أو طنجره تكون عميقه مش واسعه
حطيت فيها الزيت وسيبته يسخن كويس على النار
وابتديت أسقط فيه الجمبرى شويه بشويه لحد ما خلصت المقدار كله
والصور الجايه هتوضح أكتر
وما تنسوش تطلعوه على ورق مطبخ علشان الزيت الزياده
وهيبقى شكله كده
ودى السلطات
مواضيع هذا القسم برعاية
قطعة جاتوه قطعة جاتوه 433121_12.gif فتكات رائعة Fatakat 433121 بيتى حبيبى – الدنيا