ازيكو يا بنات وحشتونى اوى
انا النهارده عملتلكم الجاش لطريقه العاديه
بس طعمه وشكله بصراحه خراففففففففففففففه
ودى صوره مبدئيه للاكله
يارب تعجبكم
المقادير
لفه جلاش
نص كيلو لحمه مفرومه ومتعصجه
ونص كوبايه سمنه او زبده
كوبايه كبيره لبن
2 بيضه
بهارات
الطريقه بقى معروفه وسهله جدا
انا جيبت الجلاش اهو
وجيبت صينيه ودهنتها سمنه
وابتديت ارص نص لفه الجلاش فوق بعض
وبعدين حطيت اللحمه المعصجه
ومتنسوش يا بنات ان الجلاش اساسه لحمه متعصجه كويس ومتبهره ومتظبطه كويس
يعنى لو اهتميتى باللحمه
اضمنى باذن الله جلاش طعمه خطير
( ودى طريقتى فى تعصيج اللحمه )
اول حاجه
بخرط بصل واقوم مشوحاه على النار شويه صغيرين كده لحد ما يصفر بس
واقوم نازله باللحمه واقعد اقلب فيهم لحد ما اللحمه تنزل ميتها وتشربها تانى
وقوم بقى ضيفالها كوبايه عصير طماطم وهى هتكمل سواها بالعصير ده
بس ولما تتسبك
واقوم متبلاها بقى بملح وفلفل وقرفه وجنزبيل
وخلاص
وكلى بقى احلى طعم للحمه المعصجه باذن الله
وده شكلها بعد التعصيج
وبعدين قومت حطه نص اللفه التانى على اللحمه
ومتنسيش بين كل ورقه والتانيه تحطى معلقه واحده سمنه
عشان ميطلعش معجن منك
اوك لحد كده
ويعدين جهزت كوبايه لبن كبيره وحطيت فيها بيضتين وملح وفلفل وقلبتهم كويس
وحطيتهم على الجلاش 10 دقايق بس عشان يطرى اكتر وينفش لما يدخل الفرن
وكنت مسخنه الفرن كويس
وقومت حطاه فى الفرن
قعد حوالى تلت ساعه
ما شاء الله نفش وقب وكان زى الفل
ده قبل ما اسقيه باللبن
ولازم تقطعيه الاول طبعا قبل ماتسقيه باللبن
وقبل ما تدخليه الفرن
ودى شكلها بعد ما خرجت ما شاء الله
كانت منفوشه وجميله
وهنا بقى انا هسيبكم مع الصور ويارب يعجبكم
لو الجلاش عجبكم قيمونى
بحبكم فى الله
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر