السلام عليكم
بدون تطويل و لا كلام كتير … أنا عندى مشكلة و دخلت أدورلها على حل فلقيت ناااس كتيييييييير زى بتدور على اللى يحل المشكلة ، بس إيه هى المشكلة ؟؟ أوقات كتيرة نفسيتنا بتتعب بسبب أو من غير سبب و بيجيلنا إكتئاب و يبقى نفسنا فى حل سحرى يخرجنا من المود الغريب ده … أنا شخصيا فى الفترة الأخيرة عندى أسباب كتيرة أوى للإكتئاب و مبقاش عندى أى نفس أعمل أى حاجة فى حياتى لا ليا و لا لغيرى بس أنا مش راضية عن الحالة دى و نفسى أخرج منها … بس للأسف عاوز دفعة من حد غيرى و المشكلة كل إما أجى أكلم حد من أهلى أو أصحابى ألاقى عندهم هما كمان مشاكل كتير و يغرقونى فى مشاكلهم و يحملونى همهم … أنا متعودة على كده من زمان أو عودتهم عى كده من زمان إنى بشيل هم القريب و الغريب طبيعتى كده و الحمد لله على كل حال … بس فى الفترة الأخيرة أنا إتعرضت لمشاكل كتير و كل ما أفوق من واحدة ألاقى التانية وراها و أقول لنفسى معلهش اللى جاى هيبقى أحسن بس خلاص فى الفترة الأخيرة أنا معتش عندى أى طاقة تفاؤل بقيت قمة فى التشاؤم و السلبية و الإكتئاب كل حاجة وحشة كل حاجة كئيبة مفيش حاجة بتبسط … عصبية علطول و كسلانة علطول معنديش أى نفس أعمل أى حاجة دايما تعبانة جسمانيا بجد بجد شعور فظيع نفسى أفوق نفسى أحس بالنشاط و الرغبة فى الحياة نفسى أبقى مبسوطة … ولادى و جوزى أكيد متأثرين باللى أنا فيه بس مش عارفة أعمل فى روحى إيه . شغلى و سبته و أبويا و إتوفى و مشاكل من كل ناحية … أنا مؤمنة بالله و عارفة إن دى إبتلاء من الله للإختبار بس محتاجة كلمة سحرية محتاجة حل من حد … زى ما غيرى محتاج حل لمشكلته و من هنا جت فكرة الموضوع ده … لو مخنوقة و حسة بالإكتئاب إيه اللى ممكن يساعدك تخرجى من المود ده شاركينا بحل أو فكرة و ساعدينى و ساعدى أخواتك … لو هى الفضفضة تعالوا نفضفض مع بعض … لو عاوزة رأى أو حل مشكلة تعالى نساعد بعض لو عاوز رأى خبير نفسى أو علاجى نساعد بعض و نبحث على النت بس يبقى لينا مكان أو جروب علاجى هنا … جروب لفتكات ضد الإكتئاب
لو عاجباكم الفكرة يلا نشترك مع بعض و نساعد بلا … يلا قولوا معايا أنا مش هأبقى مكتئبة … أنا هأبقى سعيدة و متفألة
و كل يوم نتابع بعض و نسأل على بعض و نشوف كل واحدة فينا عملت إيه فى حياتها و غيرت المود ده و لا لسه و نديها من أفكارنا …
ربنا يساعدنا جميعااا يا رب
https://files2.fatakat.com/2015/4/13974876801015.gif
deerhunter deerhunter 398594_3.gif فتكات نشيطة Fatakat 398594 mansoura – egypt
