ازيكم يابنانيييييييييييييت ياقمرااااااااااااااااات يااحلى فتوكااااااااات فى الدنيا
شوفوا بقى ياحلوين طبعا كتير مننا شكل جسمها مش مريحها ومسبب لها مشاكل
واحيانا اكتئاب بسبب احراجها من شكلها او من كلمة من واحدة غلسة تقولها
انتى تخينة او كلبوظة او حتى تبقى فى المكان اللى بتدرس فيه او بتشتغل بتبقى مشهورة
بكلمة بكابوظة صح ولا انا غلطانة
طبعا كل ده كوم ويوم ما نفكر نشترى هدوم ونروح محل ويعجبنا طقم وتيجى تسالى علي المقاس تلاقى واحدة رخمة طلعتلك
تقولك لالالالالالالالالالا مش موجود مقاسك هنا ومش معقولة اساسا انك تلاقى مقاسك فى اى مكان وكاننا مش لاقين حد يعقدنا ومش ناقصنا غيرها
طيب بذمتك انتى بقى مبسوطة بالكلام اللى زى الحجر اللى بيتحدف فى وشك ده وهتفضلى تحطى فى نفسك وتزودى الاكتئاب اللى عندك اساسا من شكل جسمك
طيب بلاش اللى فى محلات الملابس ولا اللى فى الشغل ولا اللى فى المدرسة خلينا فى اللى متجوزة بذمتك بتبقى حاسة بايه وانتى كل ما تشوفى قميص نوم ويعجبك ويبقى نفسك تلبسيه وهيجى مقاسك بس مش هيكون لايق عليكى وساعتها جوزك يحرجك بكلمة ويقولك انتى كلبظتى كدة ليه ولا انا هروح اشوفلى واحدة حلوة زى هيفا ولا نانسى عشان اغير الاحجام بذمتك هتحسى بايه ؟؟؟؟؟؟؟؟
حتى المخطوبة ولا اللى لسة هتتخطب دايما بتكون مكتئبةهتقولولى ليه ماهو طالما شافها على كدة وجه خطبها يبقى هى اساسا عاجباه وهى تخينة
هقولك صح عندك حق بس
تعالى بقى ياعروسة منك ليها روحى شوفيلك فستان حلو كدة عشان تلبسيه
يوم خطوبتك ولا يوم فرحك هتلاقى مقاسك
هتقولولى ماهو ممكن يتوسع هقولك وسعيه وتبقى فى اليوم اللى كل الناس بتروح فيه مخصوص عشان تشوف العروسةتبقى شبه شوال القطن واللى تقول يالهوى كل ده دراع
ولا ايه ده الفستان هيتفرتك عليها دى مش عارفة تتنفس من كتر ما هو ضيق عليها
بذمتك مش كل ماتروحى فرح والعروسة تبقى تخينة بتسمعى كل التعليقات دى
طيب انتى بقى مستنية ايه مستنية لما تتقال فى وشك ولا ايه ؟؟؟؟؟؟؟؟
على فكرة انا يوم خطوبتى كان وزنى 106 ك وطولى 160 سم بلاش اوصف لكم انا بقى الشكل كفاية انتوا تتخيلوا والله انا من كتر مانا كنت مكسوفة فى اليوم ده من شكلى مافيش حد شاف الصور وكل ماحد يسالنى اقولهم العريس خدهم اظن متخيلين الاحساس بانك مش عارفة تخلى حد يشوف صورتك وانتى عروسة عشان التريقة
قررت بعدها على طول انى لازم اخس ولازم اعمل رجيم طبعا فى البيت مفيش مشاركة مالهمش دعوة الاكل الموجود كلى منه ولا احنا مش هناكل على مزاجك كل يوم ويوم بعد يوم والعزيمة تقل ويجى خطيبى ويقولى انتى كدة حلوة وعجبانى خليكى
"اه خلينى وبعد كدة تعقد اهلى من كتر تعليقاتك بعد الجواز "
وبطلت الدايت وبعد ماكنت خسيتلى كام كيلو رجعوا اكتر من الاول
دلوقتى انا مكتوب كتابى وفى انتظار تحديد معاد فرحى واشتريت فستان الفرح كمان ولما اشتريته والله السوستة ماقفلت قالولى نعملك توسيعة قولت لا هو ده هدفى انا هاخده كدة وهخس لحد مايتقفل عليا
انتوا عارفين انا بقيت كام دلوقتى بقيت 76 ك
طيب احنا عاوزين اخر للكلام والرغى ده كله وحل
انا مش هقولكم تعالوا فى نظام يخسس 10 ك فى يومين ولا فى مشروب ينزل 20 ك من غير دايت لالالالا انا هقولكم انا نزلت ال 30 ك دول ازاى وف اد ايه ؟؟؟؟
نزلتهم فى سنة ونصف كتير صح ؟؟؟؟؟ مش مهم المهم ازاى
ب 3 حاجات والله هما دول اللى خلونى قدرت وعملت
1 – الارادة والصبر
صبرت كتير وفضلت ماشية وملتزمة مع جروب هنا وخسيت قوى معاهم ولا روحت لدكتور ولا غيره مانا روحت ومعرفتش اكمل برضه لما التزمت لاقيت تشجيع جامد وحسيت ان الناس كلها بتعمل رجيم زيي
عشان كدة جاتلى الارادة واتشجعت وقدرت اكمل
2 – الدعـــــــــــــــاء
ماكنتش ببطل دعاء فى كل اذان وفى كل صلاة كل ماكنت اركع لربنا ابكيله واقوله انى عاوزة اخس وان نفسى اكون راضية عن شكلى ونفسى يارب تشفينى من مرضى اه ماهى السمنة والتخن ده مرض
3 – الصدقــــــــــــــــة
دى اهم نقطة بقى الصدقة كنت كل اسبوع انزل اروح الصيدلية عشان اتوزن وكل ماكنت الاقى كيلو نزل اتصدق عليه حتى لو لاقيت اللى خسيته جرامات برضه كنت بتصدق حاجة كدة زى الندر ماكنتش بنساه ولا اقطعه قبل ماارجع البيت اكون تصدقت على اللى خسرته من وزنى وكسبته فى صحتى جربوها وشوفوا نتيجتها بنفسكم
كل اللى انا عاوزاه منكم انكم تصبروا
طبعا يابنات كل اللت والهرس اللى فوق ده اللى بيتقال فى كل جزء انما الجزء ده بقى هيكون فى تغيير بالنسبة للنظام بتاع الجروب وده بمناسبة شهر رمضان وهنستمر عليه فى شهر رمضان ان شاء الله ولو حابين نكمله بعد رمضان مفيش مانع بس نشوف النتيجة فى خلال شهر رمضان الاول وانا هفتح الاشتراك الجزء ده للاعضاء اللى حابين يشتركوا معانا لان بجد ببقى مضايقة لما بقول لاى حد
ان الاشتراك مغلق بس ياجماعة انا مش طالبة غير حاجة واحدة بس
وهى ان اللى تدخل وتقول انها عاوزة تشترك تبقى فعلا ناوية تكمل
وتلتزم معانا لان لو مش التزمت ورجعت بعدها تانى يبقى تنسى
انها هتشترك معانا تانى اساسا
deal يابنات
كالعادة بقى نقول شروط الجروب بس الجديدة بقى والخاصة بالنظام بتاع رمضان اللى ان شاء هيعتمد على كمياء الطعام
وهنزلكم ان شاء الله رجيم خاص بيه ويارب يفيدكم ان شاء الله
1 – الارادة طبعا قبل اى حاجة عشان نقدر نكمل مع بعض كدة على نور
2 – الالتزام ثم الالتزام ثم الالتزام طيب هنلتزم بايه وازاى
اقولكم
3 – اننا ندخل هنا كل يوم نكتب تقارير يومية عن اللى اكلناه وشربناه وعكناه كمان
وطبعا كل واحدة هتكتب تقريرها هتتقيم من 5 فى اليوم ومن 50 فى ال 10 ايام لان الفرى فى النظام ده هيكون كل 10 ايام
وطبعا هيكون فى يوم فرى فاصل بين كل 10 ايام ياقمرات ويبقى الافضل يوم ثابت للكل
وعلى اعتبار ان اكيد الكل هيكون فرى اول يوم رمضان يبقى البداية هتكون من تانى يوم رمضان ونعد وطبعا الوزن هيكون قبل الفرى 10 ايام والفرى اليوم ال 11 وطبعا الوزن قبل الفرى الصبح او قبله بيوم بالليل عشان نعرف خسينا قد ايه قبل العك
واللى هتكون درجاتها اعلى فى اخر ال 10 ايام هتكون هى مزة الجروب وهيكون ليها شهادة تقدير على مجهودها طول الاسبوع وتشجيع لها
واللى هتكون اقل درجة هتكون هى كلبوطة الاسبوع والكل هينادى عليها باللقب ده غير الشهادة اللى هتتحط فى توقيعها
واكتر واحدة هتكون خست هتبقى هى فراشة الاسبوع وبرضه هيكون لها شهادة على رشاقتها
وانا بشكر العضوة الاخت الغالية " رانيا رجب " على مجهودها معانا
فى عمل الشهادات الجميلة بتاعة كل اسبوع
لازم تعرفوا ان مجرد دخول كل واحدة هنا كل يوم وتقرا يوميات كل واحدة فينا
ده فى حد ذاته مشجع على الالتزام وكمان بنشوف ايه الغلط اللى بنعمله
عشان مايتكررش تانى ابدا ياريت بقى يابنات نلتزم بجد عشان ع العيد نبقى مزز بجد ونعرف نشترى طقم شيك كدة
وبمناسبة الشهر الكريم بقى عاوزين نستغله فى حاجة تفيدنا شوية مش هيبقى اكل وشرب وتليفزيون وبس ولا ايه
عاوزين نعمل زى مسابقة كدة بينا فى ختم القران الكريم الشهر ده
انتوا عارفين ان اللى يختم القران له دعوة مستجابة عند ربنا
ايه رايكم بقى يبقى قراءة القران دى اساسى فى يومنا وهخليها ضمن التقرير بتاعنا عشان يفضل الدرجة من 5 برضه وكمان ممكن نعمل حاجة تفكرنا ببعض دايما ايه رايكم كل واحدة فينا تكتب ايه اللى بتتمنى يتحقق لها من ربنا وكلنا ندعى لبعض على الفطار يمكن تكون دعوة من واحدة فينا مستجابة وربنا يجعلها سبب فى تحقيق امنية غيرها ايه رايكم بقى فى الفكرة دى وبرضه هتتكتب فى التقرير وكل واحدة تقول فى تقريرها قرأت قران قد ايه اليوم ده ودعت لمين ودعت لها بأيه ؟؟؟؟؟؟ اتفقنا
وعشان كدة التقرير هيكون شكله يوميا كالاتى ان شاء الله
الفطار :
السحور :
قرأة القرأن والدعوة لمين :
المية : وطبعا ماتقلش عن 2 لتر فى اليوم احنا فى الصيف واظن دى حاجة سهلة
الرياضة : ماتقلش عن نصف ساعة فى اليوم حتى لو هتتمشى فى البيت
المهم تعمل رياضة كل يوم وخلاص
ودى كمان فيديوهات فيها رياضة المشى فى البيت
الجزء الاول :
https://www.youtube.com/watch?v=45wkl…74C6 6E03C094
الجزء الثانى :
https://www.youtube.com/watch?v=UxLrx…feature=relmfu
الجزء الثالث :
https://www.youtube.com/watch?v=-tHs6…feature=relmfu
التقييم هيكون ازاى بقى
الفطار : درجة
السحور : درجة
قرأة القرأن والدعوة : درجة
المية : درجة الرياضة : درجة
يبقى كدة مجموع اليوم من 5 فى 10 ايام يبقى ب 50 درجة فى فى ال 10 ايام
نيجى بقى لرجيم رمضان لكل اللى عاوز يمشى عليه معانا
عموما الرجيم ده بيعتمد على كيمياء الطعام
وتنفيذه بالحزافييييييير هو اللى هيجيب نتيجة
يعنى ماينفعش اخد اكلة من يوم على اكلة من يوم تانى
لازم اخد الاختيار على بعضه عشان يبقى الحرق مظبوط
تماااااااااااام كدة متفقين deal ياعيال ولا ايه
وهحطلكم بدائل كتيرة جدا للفطار والسحور عشان مايبقاش فيه حجة وكمان عشان لو اضطرينا لعزومة قبل اليوم الفرى بتاعنا
نبقى عارفين ايه اللى يتاكل مع نوع الاكل اللى متقدم عشان
يساعد على حرقه بسرعة ان شاء الله
فى حاجة مهمة الحلو 3 مرات فى الاسبوع وبس
يعنى مش عاوزة استهبال وكل يوم تقولولى انا اخدت حتة صغيرة
وكمان لالالالالالالالالالالالالازم تشربوا شاى بسكر عالى مع الحلو
ادينى نيبهت عشان اى خلاف هيبقى عقاااااااب من غير مناقشة
النظام الأول : لمدة 10 أيام
الفطار : ( اختيار واحد فقط )
1 – أرز مسلوق أو عادي بدون ملح + لحمة +سلطة رجيم (بدون بصل وفلفل أخضر )
2 – – جبن + طماطم + خيار + بقدونس +نص رغيف خبز بلدي
3 – سمك مشوي + طبق أرز + سلطة رجيم
4 – سمك مقلي + نص رغيف خبز + سلطة رجيم
5 – بيض مسلوق ( بيضتين ) + خضار ورقي + نص رغيف
6 – فراخ + نص رغيف + سلطة رجيم
7 – طبق خضار + نص رغيف بلدي + سلطة رجيم
8 – طبق خضار + طبق أرز ــــــــــــــــــــــــــــــ ــــــــــــــــــــ ــــــ
السحور : اختيار واحد فقط :
1 – رغيف خبز بلدي + طماطم فقط لاغير
2 – ربع رغيف بلدي + بيضه كاملة مسلوقه أو بياض بيضتين + خضار ورقي ( خس أو فجل او جرجير
3 – ربع رغيف بلدي وجبن وطماطم
4 – ربع رغيف بلدي وجبن رومي وفلفل أخضر
5 – مشروب ساخن بملعقة سكر ( لبن – حلبة – ينسون)
السكر : لابد من تناول ملعقة سكر صغيرة يوميا
الفاكهة :بين الوجبات أثناء الجوع بأي كمية ماعدا ( العنب والبلح والتين )
………………………………………….. ………………………………………….. ………………………..
النظام التاني لمدة 10 أيام :
الافطار : ( اختاري 3 من الآتي ) ولا يوجد أرز او مكرونة او خبز
1 – لحم مطهي بأي طريقة ويفضل نزع الدهون
2 – سمك مشوي
3 – بيض مسلوق ( 2 بيضة )
4 – جبن ابيض
5 – طبق سلطة بدون جزر وبصل وجرجير
6 – طبق خضار بدون وش
7 – دجاج بدون جلد مطهية باي طريقة
8 – طبق فول بالإضافات ( طماطم + كمون + بقدونس ) ــــــــــــــــــــــــــــــــــــــــــــــــــ ــــــــــــــــــــــــــــــــــــــ
السحور : ( اختاري اثنين من الآتي)
1 – نص رغيف خبز بلدي او ربع رغيف فينو
2 – جبن ابيض
3 – بيضة مسلوقة او بياض البيضة فقط
4 – 2 ملعقة فول + طماطم +كمون+بقدونس
5 – كوب لبن ويفضل مع هذا الإختيار الخبز البلدي
السكر :نص ملعقة سكر يوميا
………………………………………………… ………………………………………….. ……..
النظام الثالث لمدة 10 ايام
الافطار
1 – نص رغيف أو طبق ارز او طبق مكرونه بدون صلصة وبأي كمية
2 – سلطة بدون بصل او جزر أو جزر او جرجير
3 – ( لحم أو فراخ بدون جلد ) اذا تم اختيار الأرز يختار معه اللحم وإذا تم اختيار المكرونه أو الخبز يختار معها الفراخ ) أو سمك مشوي أو طبق خضار او جبن او فول ــــــــــــــــــــــــــــــ ــــــــــــــــــــ ــــــ
السحور
كوب ماء دافئ بدرجة حرارة الغرفه على الأقل ، وبعد ربع ساعه شرب مشروب ساخن بملعقة سكر ثم فاكهة او خضار او زبادى
السكر : نصف ملعقة
لتوسيع الاختيارات عشان محدش يقول افرضى مش عندنا الاكل ده هنعمل ايه وهنكسل نكمله واظن انا كدة عدانى العيب وازح وطبعا شكر خاص لام عبودة لان هى اللى كانت جايبلنا الخيارات دى السحووووور اختيار واحد من الاتى :
1 – زبادى + بيضه مسلوقه + جبنه + طماطم + ربع رغيف
2 – جبنه رومى + بطاطس اى نوع + فلفل اخضر + ربع رغيف
3 – فول بالملح والزيت + بيضه مقليه + طماطم + ربع رغيف
4 – كوب لبن + جبنه + طماطم + ربع رغيف
5 – بيتزا بالجبنه + سلطه(خضار مقطع كبير) + زبادى
6 – سلطه جبنه قريش + بيضه مسلوقه + ربع رغيف
7 – فول بالبيض المقلى والطماطم + ربع رغيف +زبادى
8 – لبن رايب + عسل اسمر + فاكهه (فراوله او موز)
9 – طبق خشاف + كوب شاى بسكر او كوب عصير بسكر
10 – جبنه رومى او عاديه + خيار + بقسماط بدون سمسم
11 – طعميه + طماطم + فول + نص رغيف
12 – كوب زبادى + معلقه عسل اى نوع + خيار + بيضه مسلوقه + ربع رغيف
السحور ده بقى مفيد لعلاج الامساك فى اليوم التالى
1 – شكشوكه + نص رغيف + خيار
2 – سلطه جبنه + نص رغيف + زبادى
3 – كنافه او قطايف محشوه بالجبنه + كوب لبن
4 – كنافه بالسكر او بالحشو وخاصه الموز + كوب شاى بمعلقه سكر
5 – طعميه + طماطم + كوب لبن او زبادى
6 – مربى او حلاوه او عسل + عيش فينو + شاى بسكر
7 – بطاطس مهروسه + بيضه مسلوقه + نص رغيف
8 – زبادى فقط لا غير
9 – كوب لبن فقط لا غير
10 – لبن رايب بالعسل
11 – بقسماط + جبنه رومى + خيار
12 – فول بالبيض المسلوق + بقدونس + كمون وطماطم + نص رغيف
13 – عجوه بالبيض + نص رغيف فينو + شاى بسكر
نيجى بقى للفطار وهو الاهم طبعا انا عارفاكم
1 – لحمه (محمره) ارز ويفضل معمر + شوربه لحمه + سلطه +مخلل (خيار ولفت ) فقط
2- سمك مقلى بالدمعه او بدونها + نص رغيف + سلطه بدون بصل او جزر او جرجير
3 – سمك مشوى بدون حشو + طبق ارز + سلطه بدون بصل او جزر او جرجير
4 – فراخ + طبق مكرونه والصلصه تضاف اثناء الاكل+سلطه
5 – مكرونه بشاميل +لحمه + شوربه لحمه + بيضه مسلوقه
6 – صينيه سردين او سمك صياديه + نص رغيف + سلطه
7 – كشرى مصرى او عادى + طماطم + بيض مسلوق ومحمر +خيار عادى او مخلل
8 – محشى اى نوع بشوربه طيور + طيور + شوربه طيور بدون سلطه
9 – محشى بشوربه لحمه + لحمه + شوربه لحمه + سلطه ويفضل السحور منتجات البان
10 – طبق خضار مطبوخ + طبق ارز + سلطه
11 – مسقعه باللحمه او بدونها + ارز + مخلل خيار او لفت
12 – رقاق + لحمه + شوربه لحمه بدون سلطه
13 – اسماك بحريه + سلطه بدون عيش او ارز
14 – طاجن لسان العصفور باللحمه + طماطم + بيضه مسلوقه
15 – كوارع + ارز + طبق دمعه + مخلل خيار او لفت + سلطه
16 – كرشه بدون كبده + ارز + دمعه + مخلل + سلطه بدون جزر او جرجير او بصل
17 – صينيه بطاطس باللحمه + ارز + سلطه او مخلل
18 – كبده + مكرونه + طماطم + باذنجان مقلى
19 – بفتيك + مكرونه او عيش + سلطه + شوربه لحمه او سريس
20 – كفته (ارز ولحمه) + ارز + سلطه بدون بصل او جزر ( الكفته بدمعه ممنوعه)
21 -فراخ بانيه او كنتاكى + عيش او مكرونه+سلطه
22 – طبق خضار مطبوخ + طبق ارز بدون سلطه
23 – شوربه خضار + لحمه او فراخ + شوربه + ارز فى حاله اللحمه وعيش فى حاله الفراخ
24 – كباب حله + ارز + مخلل + خيار اخضر
25 – حمام محشى + شوربه + ارز + سلطه
26 -ملوخيه بالارانب + ارز + سلطه بدون بصل
27 – برام خضار باللحمه + ارز + سلطه
28 – لحمه مشويه باباغنوج + عيش + طماطم
29 – عجه بيض + بطاطس مسلوقه ومحمره + سلطه + مخلل بدون عيش او ارز
30 – فول بالاضافات + كمون وطماطم
ملحــــــــــــــــــــــــوظات هـــــــــــــــــــــامة
1 – الرياضة : مش مهمة نهائى فى الرجيم ده لانه مش بيعتمد على الحركة على اد ما بيعتمد على الالتزام بالنظام بتاع الاكل نفسه كما ذكر ومع ذلك بيخسس من 6 : 8 كيلو فى الشهر ولكن انا بقول لابد من الرياضة اساسى يوميا منعا من الكسل ولو الواحده خلصت الرجيم ولسه عاوزه تخس اكتر ممكن تعمله تاني وزى ما قولت اهم حاجة فى النظام ده هو ترتيب الاكل بس
2 – فى ال 10 ايام التاليين سيتم اختيار اى من تلك الاختيارات فى الفطار مع حذف المكرونة او العيش او الارز ويتم اضافتهم فى السحور عادى جدا
3 – الحلويات : بعد الافطار بساعتين يتم اخذ قطعة حلوى من الموجودة فى البيت
مثلا : البسبوسة او الكنافة او الجلاش وما شابه ناخذ مربع صغير اكبر من علبة الكبريت شوية
القطايف مقدار قطعتين منها فقط مع شرب شاى بسكر زيااااااااادة معها لحرقها سريعا ومش كل يوم كمان لا نخليها مرتين او 3 مرات بالكتير فى الاسبوع
4 – المية : لابد من شرب 2 لتر على الاقل يوميا مهمة جدااااااااااااا جدااااااااااااااا
5 – الشاى : ممنوع تناول الشاى مع اى وجبة اما بعد الاكل او قبل الاكل فقطططططططط
ياريت بقى ياجماعة كل واحدة فينا تلتزم بجد لان احنا عاوزين نعمل حاجة فى الشهر الكريم ده قبل ماندخل
على العيد كدة وانتوا عارفين العيد كله كحك وبسكوت وبيتيفور يعنى اخر بهدلة ومش هنعرف نلتزم فيه فلازم نلم نفسنا فى رمضان
انا هنزل اسماءكم المتنافسين وطبعا اهلا باى مشتركة جديدة وان شاء الله نخس كلنا واحنا بصحة
بمعنى ان هنزل مثلا اثنين وزنهم 90 ك مثلا يعنى يبقى هما الاثنين هدفهم
انها تخس اكتر من التانية او تطلع المزة وهى البكابوظة فهمتوا يابنات
ياريت بقى يابنات كل اللى هتشترك معانا فى الجروب تعمل ال 3 حاجات دول
اولا تقول بيانتها الاتية :
الاسم :
السن :
الوزن :
الطول :
ثانيا تحط الشعار ده فى توقيعها وده من شروط الاشتراك
وده لينك تقدروا تعرفوا منه ازاى تعملوا التوقيع
لكل اللى مش بيعرف يعمله
كيفية عمل التوقيع ، وكيفية وضع صورة في التوقيع .
والحاجة الثالثة والاخيرة هو التقييم يابنات لو سمحتوا
وده طبعا بالنسبةللجمييييييييييييييييع عشان يثبت ويفضل فى اول صفحة دايما وادى التقييم اهو عشان محدش يبقى عنده حجة
عاوزة اقول حاجة بقى واعتبروه تنبيه لان انا بجد بتعب من اللى بتدخل تقول انا معاكم ومانشوفهاش تانى
اللى هتدخل وتقول انها عاوزة تشترك لو عدى ال 10 ايام المقررين بعد نزول النتيجة تنسى انها هتشترك تانى
والكلام ده نهائى ولا رجعة فيه deal or no deal
ويارب يبقى الجزء ده نهايته تكون سعيدة على الكل
وكل اللى بيتمنى حاجة تكون اتحققتله يااااااارب ::::::
noray A noray A 470330_10.gif سوبر فتكات Fatakat 470330 القاهرة – مصر