ازيكم يابنانيييييييييييييت ياقمرااااااااااااااااات يااحلى فتوكااااااااات فى الدنيا
شوفوا بقى ياحلوين طبعا كتير مننا شكل جسمها مش مريحها ومسبب لها مشاكل
واحيانا اكتئاب بسبب احراجها من شكلها او من كلمة من واحدة غلسة تقولها
انتى تخينة او كلبوظة او حتى تبقى فى المكان اللى بتدرس فيه او بتشتغل بتبقى مشهورة
بكلمة بكابوظة صح ولا انا غلطانة
طبعا كل ده كوم ويوم ما نفكر نشترى هدوم ونروح محل ويعجبنا طقم وتيجى تسالى علي المقاس تلاقى واحدة رخمة طلعتلك
تقولك لالالالالالالالالالا مش موجود مقاسك هنا ومش معقولة اساسا انك تلاقى مقاسك فى اى مكان وكاننا مش لاقين حد يعقدنا ومش ناقصنا غيرها
طيب بذمتك انتى بقى مبسوطة بالكلام اللى زى الحجر اللى بيتحدف فى وشك ده وهتفضلى تحطى فى نفسك وتزودى الاكتئاب اللى عندك اساسا من شكل جسمك
طيب بلاش اللى فى محلات الملابس ولا اللى فى الشغل ولا اللى فى المدرسة خلينا فى اللى متجوزة بذمتك بتبقى حاسة بايه وانتى كل ما تشوفى قميص نوم ويعجبك ويبقى نفسك تلبسيه وهيجى مقاسك بس مش هيكون لايق عليكى وساعتها جوزك يحرجك بكلمة ويقولك انتى كلبظتى كدة ليه ولا انا هروح اشوفلى واحدة حلوة زى هيفا ولا نانسى عشان اغير الاحجام بذمتك هتحسى بايه ؟؟؟؟؟؟؟؟
حتى المخطوبة ولا اللى لسة هتتخطب دايما بتكون مكتئبةهتقولولى ليه ماهو طالما شافها على كدة وجه خطبها يبقى هى اساسا عاجباه وهى تخينة
هقولك صح عندك حق بس
تعالى بقى ياعروسة منك ليها روحى شوفيلك فستان حلو كدة عشان تلبسيه
يوم خطوبتك ولا يوم فرحك هتلاقى مقاسك
هتقولولى ماهو ممكن يتوسع هقولك وسعيه وتبقى فى اليوم اللى كل الناس بتروح فيه مخصوص عشان تشوف العروسةتبقى شبه شوال القطن واللى تقول يالهوى كل ده دراع
ولا ايه ده الفستان هيتفرتك عليها دى مش عارفة تتنفس من كتر ما هو ضيق عليها
بذمتك مش كل ماتروحى فرح والعروسة تبقى تخينة بتسمعى كل التعليقات دى
طيب انتى بقى مستنية ايه مستنية لما تتقال فى وشك ولا ايه ؟؟؟؟؟؟؟؟
على فكرة انا يوم خطوبتى كان وزنى 106 ك وطولى 160 سم بلاش اوصف لكم انا بقى الشكل كفاية انتوا تتخيلوا والله انا من كتر مانا كنت مكسوفة فى اليوم ده من شكلى مافيش حد شاف الصور وكل ماحد يسالنى اقولهم العريس خدهم اظن متخيلين الاحساس بانك مش عارفة تخلى حد يشوف صورتك وانتى عروسة عشان التريقة
قررت بعدها على طول انى لازم اخس ولازم اعمل رجيم طبعا فى البيت مفيش مشاركة مالهمش دعوة الاكل الموجود كلى منه ولا احنا مش هناكل على مزاجك كل يوم ويوم بعد يوم والعزيمة تقل ويجى خطيبى ويقولى انتى كدة حلوة وعجبانى خليكى
"اه خلينى وبعد كدة تعقد اهلى من كتر تعليقاتك بعد الجواز "
وبطلت الدايت وبعد ماكنت خسيتلى كام كيلو رجعوا اكتر من الاول
دلوقتى انا مكتوب كتابى وفى انتظار تحديد معاد فرحى واشتريت فستان الفرح كمان ولما اشتريته والله السوستة ماقفلت قالولى نعملك توسيعة قولت لا هو ده هدفى انا هاخده كدة وهخس لحد مايتقفل عليا
انتوا عارفين انا بقيت كام دلوقتى بقيت 76 ك
طيب احنا عاوزين اخر للكلام والرغى ده كله وحل
انا مش هقولكم تعالوا فى نظام يخسس 10 ك فى يومين ولا فى مشروب ينزل 20 ك من غير دايت لالالالا انا هقولكم انا نزلت ال 30 ك دول ازاى وف اد ايه ؟؟؟؟
نزلتهم فى سنة ونصف كتير صح ؟؟؟؟؟ مش مهم المهم ازاى
ب 3 حاجات والله هما دول اللى خلونى قدرت وعملت
1 – الارادة والصبر
صبرت كتير وفضلت ماشية وملتزمة مع جروب هنا وخسيت قوى معاهم ولا روحت لدكتور ولا غيره مانا روحت ومعرفتش اكمل برضه لما التزمت لاقيت تشجيع جامد وحسيت ان الناس كلها بتعمل رجيم زيي
عشان كدة جاتلى الارادة واتشجعت وقدرت اكمل
2 – الدعـــــــــــــــاء
ماكنتش ببطل دعاء فى كل اذان وفى كل صلاة كل ماكنت اركع لربنا ابكيله واقوله انى عاوزة اخس وان نفسى اكون راضية عن شكلى ونفسى يارب تشفينى من مرضى اه ماهى السمنة والتخن ده مرض
3 – الصدقــــــــــــــــة
دى اهم نقطة بقى الصدقة كنت كل اسبوع انزل اروح الصيدلية عشان اتوزن وكل ماكنت الاقى كيلو نزل اتصدق عليه حتى لو لاقيت اللى خسيته جرامات برضه كنت بتصدق حاجة كدة زى الندر ماكنتش بنساه ولا اقطعه قبل ماارجع البيت اكون تصدقت على اللى خسرته من وزنى وكسبته فى صحتى جربوها وشوفوا نتيجتها بنفسكم
كل اللى انا عاوزاه منكم انكم تصبروا
نيجى بقى بعد الرغى والك الكتير ده نشوف الجروب
ده ماشى ازاى وايه هى شروطه
1 – الارادة طبعا قبل اى حاجة عشان نقدر نكمل مع بعض كدة على نور
2 – الالتزام طيب هنلتزم بايه وازاى
اقولكم
3 – اننا ندخل هنا كل يوم نكتب تقارير يومية عن اللى اكلناه وشربناه وعكناه كمان
وطبعا كل واحدة هتكتب تقريرها هتتقيم من 5 فى اليوم ومن 30 فى الاسبوع
وطبعا هيكون فى يوم فرى فى الاسبوع ياقمرات ويبقى الافضل يوم ثابت للكل
يبقى يوم الجمعة وطبعا الوزن هيكون قبل الفرى عشان نعرف خسينا قد ايه قبل العك
واللى هتكون درجاتها اعلى فى اخر الاسبوع هتكون هى مزة الجروب
وهتمسك التقييم الاسبوع اللى بعده ده غير ان هيكون
ليها شهادة تقدير على مجهودها طول الاسبوع وتشجيع لها
واللى هتكون اقل درجة هتكون هى كلبوطة الاسبوع والكل هينادى عليها باللقب
ده الاسبوع اللى بعده لحد ما تتحسن وتبقى مزة ان شاء الله
وانا بشكر العضوة الاخت الغالية " رانيا رجب " على مجهودها معانا
فى عمل الشهادات الجميلة بتاعة كل اسبوع
لازم تعرفوا ان مجرد دخول كل واحدة هنا كل يوم وتقرا يوميات كل واحدة فينا
ده فى حد ذاته مشجع على الالتزام وكمان بنشوف ايه الغلط اللى بنعمله
عشان مايتكررش تانى ابدا ماشى ياجماعة المهم الالتزام
وانا اسفة ياجماعة لكل الاعضاء اللى عاوزين يشتركوا لان خلاص للاسف
باب الاشتراك مغلق حتى انتهاء شهر رمضان وربنا يسهل هنحاول نفتحه تانى
بس بعد شهر رمضان ان شاء الله
التقرير هيكون شكله يوميا كالاتى ان شاء الله
الفطار :
الغداء :
العشاء :
المية : وطبعا ماتقلش عن 2 لتر فى اليوم احنا فى الصيف واظن دى حاجة سهلة
الرياضة : ماتقلش عن نصف ساعة فى اليوم حتى لو هتتمشى فى البيت
المهم تعمل رياضة كل يوم وخلاص
ودى كمان فيديوهات فيها رياضة المشى فى البيت
الجزء الاول :
https://www.youtube.com/watch?v=45wkl…74C6 6E03C094
الجزء الثانى :
https://www.youtube.com/watch?v=UxLrx…feature=relmfu
الجزء الثالث :
https://www.youtube.com/watch?v=-tHs6…feature=relmfu
التقييم هيكون ازاى بقى
الفطار : درجة
الغداء : درجة
العشاء : درجة
المية : درجة
الرياضة : درجة
يبقى كدة مجموع اليوم من 5 فى 6 ايام يبقى ب 30 درجة فى الاسبوع
نيجى بقى للنقطة المهمة وهى نوع الدايت اللى هنمشى عليه
طبعا كل واحدة ممكن تمشى على الدايت اللى يعجبها
رجيم سعرات ، رجيم هرم غذائى ، رجيم لقيمات ، رجيم كميائى
اللى يعجبك تقدرى تمشى عليه
لكن معانا اختنا ام عبودة نزلت لنا معلومات جميلة جدا عن كمياء الطعام
وباذن الله بداية من اول شهر رمضان هنزل الرجيم الخاص به وعلى فكرة هو
احلى حاجة فيه انه هنقدر ناكل اللى عاوزينه كله مع معرفة ايه نوع الاكل اللى
المفروض يتاكل بعده عشان يحرقه على طول
بس من دلوقتى حتى بداية الشهر الكريم هنزل رجيم الكربوهيدرات لانه
يمشى مع كل الاعمار من الاطفال وحتى الكبار سننا عشان اللى عاوزة دايت لمامتها
ياريت بقى ياجماعة كل اللى هنزل اسمها هنا دلوقتى تكون عارفة انها هتلتزم
فعلا لان احنا عاوزين نعمل حاجة فى ال 13 يوم الباقيين على شهر رمضان الكريم
عشان مانتحرمش من الحاجة الحلوة اللى فى الشهر ده وندخل عليه بكل حيوية ونشاط
انا هنزل اسماءكم كل اثنين وزنهم قريب من بعض عشان يكون فى منافسة مابينهم
بمعنى ان هنزل مثلا اثنين وزنهم 90 ك مثلا يعنى يبقى هما الاثنين هدفهم
انها تخس اكتر من التانية او تطلع المزة وهى البكابوظة فهمتوا يابنات
رجيم الاسبوع يابنات الفطور عام لجميع أيام الأسبوع: عصير طازج + 2 توست مع لبنة او جبنة اى نوع + خضار.
بس لو الجبنة حادقة يبقى معاها فلفل اخضر عشان يحرقها
ويمكن استبدال الفطار بفاكهة اى نوع ماعدا الممنوع طبعا
السبت: الغداء: بيف ستيك " اى نوع لحمة او فراخ + خضار مسلوقة + 2توست. العشاء: سلطة لبنة وخيار + نوعين فاكهة.
او زى الفطار بالبظبط بدون توست او عيش
الأحد: الغداء: باستا أو أي نوع معكرونة + صلصة طماطم + سلطة طازجة. العشاء:حليب خالي الدسم أو عصير طازج + 2 توست مع جبنة بيضاء + تفاحة. الاثنين: الغداء: سلطة طازجة مع خل + دجاج مشوي (صدر) + 2 توست. العشاء: سلطة تونة بدون زيت + تفاحة. الثلاثاء: الغداء: لحمة (حسب اختيارك) + خضار مسلوقة + 2 توست. العشاء: سلطة طازجة + 2توست مع لبنة او جبنة + نوع فاكهة. الأربعاء: الغداء: سمك مشوي مع ليمون + سلطة طازجة + 1 توست. العشاء: سلطة طازجة + 2 توست مع لبنة او جبنة + نوع فاكهة. الخميس: الغداء: أرز مسلوق +اى نوع خضار مطبوخ متصفى من الصلصة. العشاء: عصير طازج + سلطة فاكهة أو حليب خالي الدسم. الجمعة: الغداء: اختر أي وجبة غداء و عشاء من أي يوم من أيام هذا الأسبوع مع عدم التبديل أي أخذ غداء يوم مع عشاء يوم آخر بل وجبتي نفس اليوم.
ملاحظات هامة : 1- مسموح بتناول النسكافيه مرتين ف اليوم 2 – السكر لا يزيد عن معلقتين فى اليوم 3 – اى نوع تسالى ممنوع 4 – المية لا تقل عن لترين 5 – الرياضة لا تقل عن نصف ساعة فى اليوم ان شالله تتمشى فى الشقة لو ما بتنزليش 6 – ممكن تبديل وجبة الفطار بكيس شبسى صغير ومش كل يوم 7 – مسموح بشرب كانز بيبسى واحد وواحد ايس كريم على ان يكون مرة فى الاسبوع 8 – الفرى الجمعة من كل اسبوع والميزان قبل الفرى بتاعك الصبح
ياريت بقى يابنات كل اللى هتشوف اسمها تعمل الحاجتين دول
اولا تحط الشعار ده فى توقيعها وده من شروط الاشتراك
وده لينك تقدروا تعرفوا منه ازاى تعملوا التوقيع
لكل اللى مش بيعرف يعمله
كيفية عمل التوقيع ، وكيفية وضع صورة في التوقيع .
والحاجة التانية والاخيرة هو التقييم يابنات لو سمحتوا
وده طبعا بالنسبةللجمييييييييييييييييع عشان يثبت زى الجزء اللى فات
نيجى بقى للاسماء والمتنافسين ياقمرات
مسلمة شابه + shimo nimo
princess zytona + يويو
نوأ نوأ + جولدن جيرل
اعتماد الرميكية + dody girl
miss happy + yostfandi + ام يوسف وكريم
roza 12 + املى رضاء الله + صوت العيون zsm + ام عبودة 2024
pipo 26 + النجوم الصغيرة
سارة 87 + زوزو حبيبة الكل + noray A + heny
tota 603 + لمار وسوار + بنت الفادى
mandolin + marioma 2024
مايامحمود + بسبسة 3 + الرحمة المهداه + nero sokr
معلهش ياجماعة ممكن تلاقوا 2 بيتنافسوا وممكن 3 بس ده بسبب
الاوزان بتاعتكم ياجماعة
عاوزة بقى منافسة من ناااااااااار كل واحدة تتعرف على منافستها
وتشوف هتعمل ايه عشان تتفوق عليها وياريت مش عاوزة كسل
لان اللى هيكسل اسبوع انا هشيلها من المنافسة نهائيا بلا رجعة
عشان نبقى متفقين ومن غير زعل deal or no deal
وان شاء الله نتجمع كل يوم من س 9 بالليل عشان نتكلم مع بعض وشكرررررررررررررررررا لكم وعلى حسن قراءتكم للرغى الكتير ده
ويارب يبقى الجزء ده نهايته تكون سعيدة على الكل
كل اللى بيتمنى حاجة تكون اتحققتله يااااااارب ::::::
noray A noray A 470330_10.gif سوبر فتكات Fatakat 470330 القاهرة – مصر