السلام عليكم ورحمة الله وبركاته
ازيك يا قمر منك ليها
عاملين ايه كلنا اخدنا الاجازة وكلنا خايفين من بكره ربنا يستر
النهارده موضوعي عن وصفات الريجيم
عاوزة اعرف كام واحدة جربت وصفة للتخسيس وكام وصفة فيهم نفعت
وكام واحدة فشلت
انا هبدأ انا جربت وصفات كتير بس مش كتير اوي يعني بصي هو انا ماكنتش باستمر عشان كده مقدرش احكم اذا كانت حلوة ولا لأ
اول وصفة
كوب ماء+ ليمونة
نعصر الليمون علي الماء ويشرب كل يوم قبل النوم بدون سكر
الوصفة ديه عملتها لكن مع الريجيم اللي متعوده عليه والتقليل في الاكل وشرب ماء كثير وفعلا خسيت حوالي 3 كيلو في اسبوع
ثاني وصفة
شرب ملعقة عصير ليمون علي الريق
وديه بصراحة مجربتهاش غير مرتين بس ومش عارفه اذا كانت مفيدة ولا لأ
ثالث وصفة
جنزبيل مطحون وقرفة مطحونة وليمون بالقشر وماء مغلي وكمون مطحون
انا حطيت المكونات علي بعض وبعدين حطيتهم علي الماء المغلي
بس بصراحة طعمها وحش اوييي مش حتي مقبول ممكن يتشرب لا طعمها وحش ما انصحكمش تعملوها حتي لو هتخسس الوزن كله في يوم
انا شربت شفطتين منهم ومقدرتش اكمل الباقي
ورميت بقيت الكوباية
رابع وصفة
ملعقتين خل وكوب ماء
شربتها مرة واحدة بس وبعدين مكررتهاش لاني ماستحملتش طعمها
خامس وصفة
كوب ماء مغلي وليمون مقطع نصفين بالقشر
شربتها مرة واحدة بس ومكملتش كسل مني مش اكتر هي طعمها مقبول
سادس وصفة
الكمون والليمون
طبعا وصفة غنية عن التعريف
بس برده هقولها
كوب ماء مغلي +ليمونة مقطعة نصفين بالقشر + نصف ملعقة كمون (حصي)
ديه جربتها بقالي ثلاثة أيام النهارده التالت وبصراحة مش عارفه اذا كنت هخس ولا لأ مشلتي اني بزهق بسرعة اوي
ديه كانت تجربتي اتمني اني اشوف تجاربكم كلها هنا حتي لو عملتيها في موضوع مستقل عشان الكل يستفيد
باي يا عسولات
مصرية جدا 2 مصرية جدا 2 538509_4.gif فتكات متميزة Fatakat 538509 بورسعيد – مصر
سبحان الله و بحمده