ازيكو يا احلى فوتوكات فى الدنيا انا نزلت امبارح اشتريت السيراميك والاستانلس
رحت لمحل معروف فى الزقازيق واخد توكيل بادريني وهيسار وبرستيج ولومينارك وعنده نيوفلام
قالى انضف حاجه خالص ببيعها فى السيراميك بادرينى الايطالى مش الاحمر قالى لا الاسود انضف منه بكتير قوى الاسود اتقل ومستحيل يجراله اى حاجه ولو جراله حاجه احنا توكيل هاتيهالى فورا اديكى غيرها
انا جبت السيراميك دة مكنش طقم على بعضه انا جمعت طقم
دى السوتيز وطبعا بيبقى معاها الغطا بتاعها
ودى الطاسه
والغطاء بيركس
وادى الحله
وادى الكسروله
طبعا علشان انتو فوتوكاتى حبايبي بتحبو الاسعار قوى زى بالظبط
سوتيز مقاس 28 سعرها 390
سوتيز مقاس 24 سعرها 346
حله مقاس 26 سعرها 394
حله مقاس 22 سعرها 339
حله مقاس 20 سعرها 298
كاسارولا مقاس 16 سعرها 191
طاسه مقاس 26 سعرها 210
طاسه مقاس 20 سعرها 160
وجبت سكاكين فردانى بادريني برده
كان عنده اطقم سكاكين قالى طبعا الفردانى انضف وبيبقى اقوى فجمعت حبه حلوين
اسعرهم متفاوته اقل سعر 52 واعلى سعر 77
وجبت طقم استانلس هيسار قالى انه افضل من كوركماز التركى وانضف بكتير وساله على الايد اللى ممكن تتخلع قالى مستحيل دى بمسامير داخليه وورهالى وشكلهم عجبنى قوى لان ماما عندها كوركماز التركى ومجننى كل شويه انسي واشيله من الايد واتحرق ماليش انا فى الطبخ فجبت منه اللون الاحمر
هو دة بالظبط جبت الطقم بسعر 1600 جنيه عباره عن 3 حلل وسوتيز وطاسه
والغطاء بتاع السوتيز بيركب على الطاسه قولتله لو الغطا اتكسر قالى هاتيهولى وانا اجبلك غير على طول
وجبت كام صنيه برستيج كب كيك على بيتزا على بسبوسه وحلويات على واحده بتتفتح للجنب للتورته وقالب ورده للكيك وسكنتين برستيج صغيرين سعر صوانى برستيج فى حدود ال100 بتزيد 10 او 20 حسب الصنيه بس فيه واحده منهم ب 150 دى اغلاهم
وجبت طقم الرحلات عباره عن شنطه فيها 5 اطباق بلاستيك و5 كوبيات بلاستك و5 معالق و5 شوك و5 سكاكين بلاستيك ماركه نضيفه قوى ومعروفه بس مش فاكره أسم الماركه ب 60 جنيه
وبخاخه الزيت 55
وجوانتى سيليكون وماسك سيليكون مبيسحش من الحراره وعازل كان ب 95 جنيه
وعملولى هناك خصم تقريبا 325 على كل المشتروات
ولاقيت عنده سيراميك لومينارك فرنساوي بيدخل الميكرويف بفكر اجيب منه 2 صغيرين ايه رايكو فيهم
وايه رايكو فى المخرطه دى مخرطه ملوخيه خفت اجيبها قولت اسألكم الاول دايما بتلحقونى قبل ما اتدبس
هى ايطالى ب 55
وربنا يفرح قلب كل البنات يارب
*virginia* *virginia* 356393_2.gif فتكات رائعة Fatakat 356393 الشرقيه – مصر