السلام عليكم ورحمة الله وبركاتة
ازيكم ياقمرات عاملين اية يارب تكونوا بخير
وحشتوني اوووي بقالي يومين رحماكم مني مش كدة
اصل انا عاملة دورة تدريبة
مضمونها الثقة بالنفس
ولو عايزني اسالوا عليا في قسم معاملة الازواج
هههههههههههه
بس بردة مش هرحمكم من اكلاتي
ندخل بقي في المفيد من فترة كدة كبيرة شوية
الشيف محمد عمل سمك بلطي بطريقة يجنن هو كان عاملة لمرضي السكر
بس الصراحة انا قلت اجربة وخاصة اني كان نفسي اعمل سمك البلطي بطريقة مختلفة وميكنش متحمر في الزيت
مش كفاية الجمبري
المهم قلت خلاص انا هعمل سمكتين بس اصلي كنت عاملة جمبري كتير
المهم ندخل بقي علي المقادير
2سمكة بلطي -4فص ثوم مفروم -ابصلة شرائح-افلفل الوان شرائح
2طماطم شرائح-ملح-كمون -عصير ليمون -معلقة كرفس مفروم -3معالق زيت
هنحط كل الحجات دة علي بعضها ونقلبهم كويس ونسيب الخليط دة مع بعضة 1/2 ساعة
ثم نجيب ورقة فويل وندهنها بقليل من الزيت عشان السمك ميلزقش فيها
ثم نحشي بالخلطة السابقة السمك من جوة وباقي الخلطة نحطها علي الوش
وهنقفل الفويل وندخلة الفرن يستوي
ودة بعد ما خرج
وبعد ما استوي شيلت ورق الفويل وسيبتة تحت الشواية شوية ياخدلون
ها اية رايكم سهل وسريع وكمان ينفعل للرجيم وطعمة زي سمك البيتزا اللي بيعملو بسمك المكاريل
مع فرق شاسع التاني بيبقي زفر اوووي وكمان فية شوك كتير لكن البولطي مفهوش اي شوك
كمان علي فكرة ممكن تعملوا نفس الطريقة دة بالسمك البوري وهيبقي تحففففففففففة
انا عملت كمان معاة جمبري ودة طريقتة للي مشافهاش
https://fatakat.univanet.com/#2037622
بس انا مكنتش منزلة صور للجمبري
قلت انزلكم الصور بالمرة
دة الجمبري بعد ما تبلتة
ثوم+ليمون+كثبرة ناشفة +شطة +فلفل حار والوان +كمون وملح+بهارات سمك
وتركتة في التتبيلة دة ساعة
بعد ساعة من وضع الجمبري في التتبيلة
هنحطة في الدقيق ثم نطلعة من الدقيق نصفية في مصفاة
ثم نحطة في الخلطة دة
بياض بيض+نشا+لبن+سمسم حسب الرغبة
ونحمرة في زيت غزير وهيطلع بالشكل دة
معلش مصورتش الاكل كلة مع بعض
بس اكيد كلكم بتعرفوا تعملوا الارز الصيادية وسلطة الطحينة وسلطة خضراء
واللي عايز اي حاجة انا تحت امرة
يارب الموضوع يعجبكم
ومتنسونيش بدعوة حلوة ياقمرات
والسلام عليكم ورحمة الله وبركاتة
مواضيع هذا القسم برعاية
omyoyo60 omyoyo60 236397_1.gif فتكات غالية قوي Fatakat 236397 القاهرة – مصر ام الدنيا