بسم الله الرحمن الرحيم
ازيكم يا حلوين عاملين ايه
يارب تكونوا بخييييييييييير
نبدأ بالرز الريزوووووووو الاصلي:
نشوح بصله لحد ما تصفر
وبعدين نضيف عليها 2 معلقه كبيره سكر
لنقلب لحد ما يدوب ويبدأ يتكرمل مع البصله
بالشكل ده
نحط 2مكعب ماجي و2 معلقه كبيره كاتشب
ومعلقه كبيره مسترده
ورشه فلفل وقرفه وكاري ونقلب كويس وبسرعه على نار هاديه
لانه سررررررررريع الاحتراق
بعد كده نضيف نص كوب ماء ونحرك الخليط جيدا
ثم نصفي الخليط
((عشان احنا مش عايزين البصل يبان))
ونرجعه تاني على النار
(((((ملحوظه : اذا كنت هتقدمي الرز ومعاه مكعبات من الفراخ
هتبلي الفراخ بميه بصل وخل وليمون وملح وفلفل
وبعدين صفيهم واخلطيهم بنشا واقليهم في الزيت لحد ما تستوي
وبعدين صفيهم كويس من الزيت و بعد ما تحطيهم على الرز صبي
عليهم قليل من الصوص السابق
ما هو انت :
هتشيلي جزء من الصوص وهو في المرحله ده على جنب
بس ضاعفي كميه البهار والصوصات من الاول)))))
بعد كده نزود الميه المناسبه للرز ونضبط الملح ولما يغلي
نضيف الرز المصري ونوطي بعد الغليان:
هنا بعد ما استوى:
نعمل الفراخ بقه:
عملتلكوا قبل كده الكنتاكي الدايت
اللي بالفرن
وعملت الكنتاكي المسلوق في اللبن
النهارده بقى الكنتاكي المقلي كليا في الزيت
اولا هنتبل الفراخ لمده ليله في :
كوب لبن رايب
نص كوب خل
عصير ليمونتين
3 فصوص ثوم مفرومين
قطعه جنزبيل مفرومه بحجم العقله
وبهارات مشكله مطحونه:
فلفل بابريكا كبابه قرفه اوريجانو كمون كسبره
كاري سماق ورق لورا قرنفل حبهان ملح
بعد ما اتبلت كويس تصفى جيدا من التتبيله
نحضر البيض المخفوق برشه ملح وفلفل ومعلقه مسترده
ونحضر البقسماط والافضل اننا نحطه في كيس
وممكن تبهريه بنفس خلطه بهارات التتبيله
نضع الفراخ في البيض ثم في البقسماط
ونرج الكيس كويس عشان القطع تتغطى كويس
بالشكل وتبرد في الفريزر على الاقل ربع ساعه
قبل القلي
نسخن الزيت العميق كويس وبعدين نضع قطع الفراخ
وماتمليش الطاسه اوي عشان الزيت ما يبردش
نغطي الطاسه او الحله ونوطي النار لمده من 12 الى 15 دقيقه
تصفى على ورق نشاف وتقدم مع الرز
بالشكل ده
ونقدم معاهم الكول سلو والتوميه
الكول سلو :
كرنب مبشور
جزر مبشور
مايونيز
لبن
ملح وسكر
نخفف المايونيز بقليل من اللبن المحلى بالسكر
وبعدين نحط الملح ونضيف الكرنب والجزر ونسبهم
قبل التقديم شويه عشان يشربوا من المايونيز ويطروا شويه
التوميه:
ميه
نشا
ليمون
توم
ملح
زيت
ندوب معلقتين كبار من النشا في نص كوب ماء على البارد
وبعدين نحطهم على النار لحد ما تتقل زي المهلبيه
نسبها تبرد تماماااااااااااااا
وبعدين نحطها في الخلاط ومعاها 3 فصوص ثوم مفرومين
ونحط عصير نص ليمونه ورشه ملح ونخلللللللط ونبدأ
نضيف الزيت من فوق الخلاط وهو شغال لحد ما الخليط يبيض ويتقل
تقريبا هناخد من 3 الى 4 معالق كبار زيت .
اظن جبتلكوا كنتاكي لحد عندكم
وماحدش بقه عنده حجه لعمله في البيت
اشوفكم على خييييييييييييير
ويارب غدانا يكون عجبكم مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه