الحمد لله حمدا كثيرا طيبا مباركا فيه والله مكنتش عايزة اكتب عن الموضوع ده لاثره النفسى علي لكن قلت علشان تعرفى كرم ولطف ربنا بينا اد ايه وكمان عشان كل واحدة تاخد بالها اثناء الحمل وكمان بعد الولادة انا ولدت من شهرين كان عندى سكر حمل وكنت باخد انسولين مرتين باليوم وحجم الجنين كبر وقت الولادة كان 5ك و200جم وكانت ولادة قيصرية بعد مرتين طبيعى وبعد الولادة بخمس ساعات جالى تشنجات وسنانى طبقت على بعض وطلعت رغاوى من فمى ونزفت جامد ودخلت فى غيبوبة وقعدت بالعناية المركزة 3 ايام انا بحكى اللى سمعته لانى مش فاكرة اى حاجة حصلت وعرفت ان ده تسمم حمل من الدرجة الاخيرة اللى تؤدى للوفاة او فى احسن الحالات عجز وتاثير على المخ وفقدان بصر بس الحمد لله نظرى اتاثر شوية وبعدين بقى كويس والضغط العالى نتيجة التسمم بظبطه هو والسكر مع دكتور ابنى بقى خرج من بطنى على الحضانة لونه ازرق مش بيعرف يتنفس طبيعى عنده ميه على الرئة وسكره مش مظبوط اتحط على التنفس الصناعى وشفطوا الميه وظبطوا السكر بتاعة وجاله عدوي فى الدم من الحضانة واتعالج منها الحمدلله هو قعد فى الحضانة 18 يوم وبعدين جه نور البيت واخدته فى حضنى كل واحدة تاخد بالها من ضغطها وسكرها وزلالها وربنا يكرمكم بالدرية الصالحة ان شاء الله
*أم ندى وياسمين* *أم ندى وياسمين* images/flowersavatars/avatar0030.jpg فتكات رائعة Fatakat 54031 بلد المحبوب – بلاد الله الواسعة
سبحان الله و بحمده