السلام عليكم ورحمة الله وبركاته
ازيكم يا حبايب قلبى انشالله تكونوا بألف خير
يلا نصل على الحبيب عليه أفضل الصلاة واتم التسليم
وبببببببببببببببببببببعد
انا النهاردة عملت كبدة فراخ بطريقة سهله وخفيفه
وعملت كمان معاها طاجن مكرونه وطلع خراااااااافه
يلا بسم الله نبدأ بالكبده ودى صورة المقادير
نصف كيلو كبدة فراخ منقوعه حوالى ربع ساعه فى خل وفلفل اسمر-بصلتين مكعبات صغيره-فلفل رومى مقطع صغير-زيت زيتون-ملح-فلفل اسمر-قليل من البهارات
———————–
ندخل على الطرييييييييييييييقه
نصفى الكبده ونقطعها ونضعها فى طاسه مسخنه فيها ملعقتين زيت زى كده
بعدين ننزل بالبصل وعليه البهارات والفلفل الاسمر والملح كده
بعدين ننزل بالفلفل الرومى ونقلبهم ونسيبهم حوالى ربع ساعه وخلاص هتكون استوت علشان انتم عارفين الكبده دى مش بتاخد سوا كتييييييييييييير
———————————————————-
ندخل على المكرووووووووووووووووونه
ودى مقاديرها(نصف كيلو مكرونه اى شكل بتحبوه انا بموووت فى الاسباجيتى مسلوقه ومتصفيه-زيت ذرة-فلفل رومى-طماطم-ملح-فلفل-بهارات-صلصه بقى وعبارة عن ثوم مفروم ويادوب يصفر ونضع عليه عصير الطماطم ونسيبهم يتسبكوا شويه
————–
الطريقة السهله بقى
تجيبى نصف مقدار الصلصه وتقطعى الفلفل والطماطم وتخلطيهم مع بعض وبعدين تقلبيهم على المكرونه كده
تجيبى بيركس كده مدلع زيك وتدهنيه بالزيت وتنزلى بالخليط كله زى كده
وباقى الصلصه تحطيها على وش البيركس كده
تدخليها الفرن لمدة نصف ساعه ودى كانت النتيجه النهائيه
يارب تعجبكم وتقيمولى
احسن الصور المرة دى تعبتنى جدا حتى شوفوا الصورة الاخيرة عامله ازاى
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده