السلام عليكم يافتوكات الخير
النهاردة قلت لازم ابطل كسل وانزلكم صورة الباتنجان المخلل اللى انا بحبه
واللى هو من غير زيت خاااااااااااااااالص ورغم كده طعمه حكاية ويمكن كتير مايعرفوهوش
مامتى الله يبارك لى فيها كانت بتعمله بالبتنجان الصغير خاااالص اللى هو عامل زى الصوابع بس بما انى فى السعودية واصغر حاجة لقيتها اللى هو بتاع المحشى
جربت اعمله بالبتنجان الرومى وطلع حلو قوى نفس النتيجة
وابطل رغى بقى
اقطع البتنجان صوابع اتخن من البطاطس شوية زى كده
واسلقه فى مية بتغلى وعليها ملعقة خل لمدة 20 دقيقة ا لحد ماتحسى انه اتسلق بس مش تهريه
واحضر الخلطة السهلة جداااااااااا وهى
ملح
توم مفروم
كمون
شطة
عصير ليمونة
واول ماطلع البتنجان من المية احطه فى الخلطة واقلب كويس -ولو تحبى ممكن تضيفى عليه ملعقة زيت- واحفظه فى علبة تلاجة او برطمان وتاكلى منه بعد ساعة
وممكن تحتفظى بيه لمدة كام يوم فى التلاجة مش بيجراله حاجة
وبيبقى لذيذ جدااااااا بفضل الله
ويارب يعجبكم
وتدعولى دعوة حلوة
وماتنسوش التقييم يافتوكات
مواضيع هذا القسم برعاية
أم طيبة 85 أم طيبة 85 210619_2.gif سوبر فتكات Fatakat 210619 الطائف سابقا الباحة حاليا – السعودية