ازيكم يا فتوكاتى الحلوين وحشتونى وحشتونى وحشتونى
النهارده يا فتوكاتى موضوعنا سهل وبسيط ان شاء الله كالعاده لان انا مش بحب المواضيع
المكلكعه وكمان موضوعنا تغيير شويه عن اللحمه المسلوقه المعتاده اللى كلنا زهقنا منها
وطبعا التغيير فى اللحمه يا اما بتكون مشويه او كباب حله او ورقه فى الفرن وكل دا
من غير شوربه طبعا ودا مينفعش عندنا لازم الشوربه مع الأكل طبعا شغل بط يعنى من الأخر
وطبعا انا صحيت من النوم كالعاده معظم الطلبات مش كامله عشان اعمل الغدا وانا مكسله بقى
اجيب حاجه وقلت ان شاء الله هقضيها بالموجود هنا شغلت التفكير
بقى وقلت انا هاسلق لحمه
بس لازم اغير فيها شويه عشان بجد بقت تقيله انها تتعمل
كل مره مسلوقه كده واخرها تتحمر
جيبت بقى حلتنا الأموره وحطيت فيها ميا وبصله وبهارات لحمه
وورق لورا وسيبتهم يغلوا
وبعدين حطيت اللحمه وسويتها بالطريقه العاديه بس مش
تسويه كامله تلات اربع سوى بس
وبعدين شيلت اللحمه من الشوربه والشوربه النهارده بطلة الغدا طبعا لان انا عملت منها
كذا حاجه على الغدا منها
وبعدين قطعت اللحمه وسخنت طاسه تيفال فيها قطعة زبده
او سمنه مع شوية زيت ولما سخنت
حطيت اللحمه اللى احنا قطعناها ونحاول نشوحها يعنى نديلها لون بس بلاش ننشفها
ونحمر كل كمية اللحمه اللى عندنا
ونجهز الطاجن بتاعنا ونحط فيه سمن او زبده براحتنا ونحط ملعقة توم ونشوحه شويه
ونحط اللحمه عليه ونشوحهم مع بعض شويه ونقطع بصل جوليانو ونحطهم عليهم ونقلب
كله مع بعضه لحد ما نحس ان البصل بدأ يدبل نزود كبشتين شوربه ونحطهم تحت الشوايه
ياخدوا لون
وعاوزه اقولكم انها لذيذه جدا ومشبعه بطعم التوم
وانا بحب طعم التوم جدا
يكون واضح فى الأكل وكمان غيرت فى طعمها كتير لان انا على طول باكلها مسلوقه وجبت اخر
ندخل على طريقة الفته
تابعوووووووووونى
مواضيع هذا القسم برعاية
mero_sh mero_sh 326490_4.gif فتكات غالية قوي Fatakat 326490 الدقهليه – القاهره