بسم الله الرحمن الرحيم
والسلام عليكم ورحمة الله وبركاته
النهاردة هنتكلم عن ازاى تخلى سفرتك شيك فى العزومات ومترتبة
انا مش بحب الرغى الكتير وخلينا ندخل فى الموضوع على طول
اولا هنتكلم فى حالة العزومات الصغيرة :
1- تحطى على السفرة مفرش شيك ويكون نظيف ومكوى ولونه مناسب للون اوضة السفرة
2- ابدائى بعد كده تحطى طقم السرفيس على السفرة زى كده
*قدام كل فرد تحطى طبق مسطح وفوقه طبق غويط وكمان تحطى الشوكة على شمال الطبق
والمعلقة والسكينة على يمين الطبق وقدام كل طبق تحطى كوبايه
وفى حالة الاسماك ممكن تحطى طبق صغير جنب الطبق الرئيسى عشان يحط فيه القشر وكده
وعلى شمال كل طبق نحط فوطة السفرة وتكون مطبقة بشكل شيك
3- وفى نص السفرة نحط القواعد بتاعت الحاجات السخنة عشان نحط عليها الاصناف السخنة
4- تحطى كمان طقم المعالق بتاع السفرة ودورق المايه
5- وفى نص السفرة حطى طقم الملح والفلفل والكاتشب والمايونيز والمسطردة
6- بعد كده تحطى سبت العيش وهو دافى على السفرة
7- المخللات تتحط على السفرة فى طبق جميل ومرصصة بنظام ومشبوكة
بالخلة او بالشوك الصغيرة الخاصة بالمخللات عشان تكون سهلة فى الاكل
8- الليمون يتقطع ويترص فى طبق صغير حلو على السفرة
9- بعد كده ابدئى فى حط السلطات على السفرة ومتنسيش تحطيها فى اطباق
جميلة ومتشابهة فى الشكل والحجم يا اما مربع او بيضاوى او مدور ومتنسيش
تزينى السلطات وبعد كده غطى السفرة كلها بمفرش من السلوفان لوقت الاكل
وبعد الخطوات ديه هقولك تعملى ايه قبل ميعاد الاكل بعشر دقايق
بس عايزة تشجيع عشان اكمل
ويارب الموضوع يعجبكم مواضيع هذا القسم برعاية
دودى هاشم دودى هاشم 738456_5.gif فتكات متميزة Fatakat 738456 القاهرة – مصر