بمناسبة ان الشطه الحمراء القرون موجوده دلؤقتى وده الموسم بتاعها حبيت اقولك على طريقة عمايلها عشان تبقى هريسه الشطه اللى موجوده فى برطمانات فى السوق وبيقى تمن البرطمان من 9 الى 20 جنيه فى حين اننا هنشترى الكيلو ب3 جنيه بس
نبتدى بقى
اول حاجه ننقى الشطه تكون جامده مش طريه من عند الضراتى
نجيبها ونغسلها كويس ونستنى لحد ماتنشف
نجيب جوانتى ونلبسه والا العواقب هتكون وخيمه 
وبعدين نمسك القرون نقطع الجزء الأخضر منها وننضفها
نضع القرون فى الكبه ونفرمها فرم ناعم او وسط حسب مابنحبها
وبعد كده نحط عليها شوية ملح لحد ماتبقى حادقه سنه لان الملح هو اللى بيحفظها
وبعدين نجيب برطمان نضيف وناشف وندهنه زيت ونحط فيه الشطه المهروسه وبعد كده نغطى الوش بحبة زيت ونقفل
ولما نستعملها بعد كده نحط فيها معلقه ناشفه عشان مش تبوظ وخزينيها عندك فى الثلاجه زى مانتى عاوزه
والف هنا وشفا مواضيع هذا القسم برعاية
rosha83 rosha83 فتكات حبوبة Fatakat 727091 القاهره – مصر