بسم الله الرحمن الرحيم
السلام عليكم ورحمة الله وبركاته
ازيكم ياحلى فتوكات
طبعا فى كتير مننا عندهم تقوس العمود الفقري او حتى اعوجاج بسيط وطبعا مش بيخلى شكل البنوته لطيف خااالص
طيب اي هى اسبابه :
فى اسباب كتير منها ما يخص الغضاريف او العضلات المحيطة بالعمود الفقرى او او او ….احنا اللى يخصنا فى موضوعنا هو الانحناء البسيط نتيجه العادات الخاطئةمثل الجلوس على الكمبيوتر بطريقى غير صحيحة لمدة طويلة 
او قلة الحركة والكسل 
وقلة ممارسه التمارين واسباب كتييير تانيه
(حالات الانزلاق او الالام المزمنة يخلو بالهم يافتوكات لازم استشارة الطبيب)
طيب اى العلاج اللى انا جربته شخصيا ونفع معايا بفضل الله جدااااااااااا
……..>>>>>>>>>الصلاة<<<<<<<<……..
ايوه الصلاه يافتوكة متستغربيش
الصلاه تعتبر افضل تمرين ممكن يقوم به الانسان 5 مراات فى اليوم ودا مش كلامى دا كلاام دكاترة كبار
طيب ازاى الصلاة فادتنى فى علاج تقوس العمود الفقري:
1-اول حاجه واهم حاجه انك لازم تاخدى وقت كافى فى الصلاه بلااااااش الصلاه السريعه دى دى بتجيب نتيجه عكسيه وسبحان الله برضه الرسول عليه افضل الصلاة والسلام نهى عن الصلاة السريعه دى لما شاف رجل يصلي وقال له (صلى فانك لم تصلى) وكررهاله كذا مرة
2-لازم تبقى واقفه شاده ظهرك ومنتصبه وتطولى فى الصلاة على قد ماتقدرى واهم فترة تطولى فيها هى السجوووووود
وانتى ساجده كده شدى ظهرك شده الظهر دى يابنات والله فادتنى جدا لانها بتعمل تباعد بين الفقرات وتقلل من الاحتكاك والتهاب الغضاريف وعن تجربه والله فادتنى جدا وظهرى ارتاحح وشكله اتحسن كتتتير عن الاول الحمد لله ربنا اى حاجه امرنا بيها فيها فايده لينا وان مش اكتشفناها دلوقت العلم بيكتشفها على مر السنين
حابة اقول ملحوظه:
ممكن فى الاول تحسى بالم شويه نتيجه شده الظهر دى لان طبعا ظهرك مش متعود انك تفرديه او تعمليله تمارين دا عادى وانا دلوقتى بقيت برتاح جدا فى السجود وخلاص اتعودت اخد وقتى فى الصلاه مهما كان ورايا مشاغل لااازم ادى الصلاة وقتها مش كانه حمل وباديه بسرعه عشان اخلص لا لازم تحسي بكل حركه فى الصلاه (وخلى بالك وانتى بتقومى من وضع السجود تقومى بالرااااحه خالص عشان مش يحصلك شد عضلى مهمه اوى الخطوة دى لان زى ماقولت الظهر مش متعود على الشد خدى بالك)
يبقى هقول تانى الطريقة:
هتقفى منتصبه وشاده ظهرك وتبداى فى الصلاه وتيجى عند السجود وتشدى ظهرك على قد ماتقدرى هتحسى بارتياح فظيع تبقى مش عايزة تقومى وبرضه سبحان الله الرسول عليه الصلاة والسلام امرنا نطول فى السجود ونكثر الدعاء فية (وما ينطق عن الهوى) بس خلى بالك وانتى بتقومى من وضع السجود قومى بالراااااحة خاااالص عشان مش يحصلك شد عضلى مهم اوى خدى باااالك
طبعا الصلاة بتبقى 5 مرات فى اليوم دا غير السنن دول كافيين جدا انهم يعالجوا المشكله ان شاء الله
ودا تقرير عن تجارب عملوها علماء غير مسلمين عن الحركات اللى بيؤديها المسلمين فى الصلاة
اليوم السابع – يقوم المصلون ببعض الحركات من الركوع والسجود ويقوم بها الفرد، ليس إلا طاعة لله عز وجل، ولكن هل يمكن أن تكون لتلك الحركات فوائد للعمود الفقرى؟.
يوضح الدكتور عبد العظيم العوادلى أستاذ الطب الرياضى أن الأبحاث العلمية الحديثة التى أجراها غير المسلمين فى الولايات المتحده الأمريكية على الحركات والتمرينات التى يقوم بها المسلم أثناء أداء فريضة الصلاة هى أفضل وأفيد أنواع التمرينات للإنسان على الإطلاق وبصفة خاصة للعمود الفقرى.
ويبين دكتور عبد العظيم أن العلماء وجدوا أن المسلمين أثناء الصلاة يحركون المفاصل والعضلات وبالتالى يتفادى كل منهم إصابة عضلاته بالضمور وإصابة المفاصل بالتيبس، كما أنها تقوى العضلات وتحافظ على أقواس العمود الفقرى.
ولقد أثبتت الأبحاث العلمية أن الحركات والتمارين التى تؤدى أثناء الصلاة تعالج مشاكل الظهر والعمود الفقرى، خاصة وضع السجود الذى يعد أفضل وضع ممكن أن يتخذه الإنسان للتخفيف من آلام الظهر الناتجة عن الضغط على الأعصاب، كما هو الحال فى حالات الانزلاق الغضروفى وغيرها.
ففى حالة السجود يقول دكتور عبد العظيم إن أقواس العمود الفقرى تكون فى وضعها الطبيعى ولا يكون هناك أى ضغط على الأعصاب الخارجية من بين كل فقرة والفقرة التى تليها.
وبذلك يمكن لمن يعانى من مشاكل وآلام وانزلاق غضروفى، وعرق النسا، وغيرها من حالات الضغط على الأعصاب أن يتخذ وضع السجود عند اشتداد حدة الحالة عليه للتخلص من الأوجاع.
كما يشير دكتور عبد العظيم إلى أن تأدية حركات الصلاة من ركوع، ثم وقوف ثم سجود، وتكرار تلك العملية أكثر من مرة، يعد تمرينا جيدا ومتكررا للعمود الفقرى، كما أن التغير فى الأوضاع بين الوقوف والركوع تكون فيه أقواس العمود الفقرى على استقامة واحدة، وفى وضع السجود والجلوس تتحرك الأقواس وهو بمثابة تقوية لها وللعضلات المحيطة بها والمدعمة لها.
كما أن الصلوات الخمس، تجعلك تقوم بمجهود يجعلك تحرق حوالى 400 سعر، وبالتالى تتخلص من الوزن الزائد.
يارب الموضوع يفيدكم يافتوكات ومتنسوش التقيييييم عشان الكل يستفيد
ودعوة حلوه منكم لاختكم فى الله
olaaaa olaaaa فتكات نشيطة Fatakat 539361 مصر – مصر