مساء خيرات معطرات ببرفانات
على عيون كل الفتوكات
كنت وعدت فى موضوعى اللى فات فى التدبير المنزلى
وده الرابط بتاعه
https://fatakat.univanet.com/#1000571
انى هقول اسرار جديدة للبيتزا
وفضلت انى اعمل موضوع لوحده
لاننا كلنا بنموووووووووووت فى البيتزا
ندخل بقى فى الجد
المقادير
خميرة بيرة
معلقة سكر
معلقة ملح
كوباية الا ربع ميه دافية
نص كوباية زيت
دقيق
زعتر
طماطم/فلفل اخضر
صلصة طماطم
زيتون مخلى
جبنة شيدر او موتزاريلا
لحوم او فراخ او تونة زى متحبى
مقادير اختيارية
بصل بودر
توم بودر
بصل
الطريقة
هنيتدى بالعجينة
وده السر الاول
ان كل الناس بتحط الدقيق وعليه الميه
لكن من بق شيف ايطالى عرفت اننا
نحط الميه الاول وبعدين الدقيق
نحط الخميرة ومعلقة سكر ومعلقة ملح
على الميه والزيت
وندوبهم كويس
وبعد كده نضيف الدقيق والزعتر والبصل والتوم
البودرة لو متوفرين
ونعجن ونزود دقيق لحد العجينة ما تلم معانا
وتبقى بالشكل ده
ونلت ونعجن فيها شويه
وبعدين نغطيها بفوطة نضيفة ونسبها تخمر
نيجى بقى للسر التانى
البشاميل
اييييييييوة بشاميل ومن بق الشيف
البشاميل بيدى شكل الجبنة السايحة
وطعم خطيييييييييير وطراوة للبيتزا
وبيساعد على دمج المكونات مع بعض
اعملى البشاميل عادى بس مش كتير
انا بعمل معلقة سمنة على معلقة دقيق
وبعدين بضيف اللبن وده شكله النهائى
ببدأ اجهز المكونات اللى فوق بقطع
الطماطم والفلفل وساعات بحط بصل
انا هنا استخدمت لانشون
وجهزت الصلصة وهى عبارة عن
صلصة طماطم بفكها بشوية ميه
وهنا السر التاااااااالت
الريحان الناشف
لازم يتحط على الصلصة وبجيبه من العطار
لما بتأكد ان العجينة خمرت بيكون ده شكلها
بفردها فى الصينية بعد مدهنها زيت خفيف وعليها الصلصة
وجزء من البشاميل ونوع اللحمة اللى هضفيه
بعد كده باقى المكونات الطماطم والفلفل
والبصل والزيتون
وباقى البشاميل وبعدين الجبنة ونرش شويه
زعتر على الوش
وده شكلها النهائى قبل السوا
ندخلها الفرن على درجة 200 لحد القعر
ما يحمر
وده شكلها وهى فى الفرن
بعد حوالى ربع او تلت ساعة بتكون تمام
وده شكلها النهائى
وبالهنا والشفتيشى ياقمرااااااااااااات
والصينية كلها مناصفة بين اللى هيردوا
ومتنسوش التقيييم
سلامووووووووووووووووز مواضيع هذا القسم برعاية
نعكوشة نعكوشة 353925_3.gif فتكات هايلة Fatakat 353925 ارض الله واسعة – بيتنا