السلام عليكم ورحمة الله وبركاته
اولا يارب يرزق كل واحدة بالحمل السليم عاجلا غير اجلا
ويثبت حمل كل الحوامل ويرزقنا بالطفل السليم المعافي
ثانيا
الموضوع ده حصل معايا بجد ووالله الامهات دول خبرة لان مامتي اللي قالتلي عليه وفعلا لاحظته ومش شرط يحصل مع الكل انا قول تجربتي
طبعا كلنا بنتشطف من جوه وع الاقل بالميه فبنحس بالمهبل وعنق الرحم واوقات بنحس بقرب عنق الرحم او بعده قليلا كانت ماما بتقولي انها بتعرف نفسها حامل لما كانت بدخل ايدها ومبتحسش بعنق الرحم او بتحس انه بعيد كتير غير الايام العادية
طبعا انا فزلوكة وبقيت اعمل كده قبل البريود بيومين ويوم ولقيت عنق الرحم نازل جدا بس بقي قلت يبقي البريود جيه وخصوصا اني مش حاسة باي اعراض للحمل وعشت حياتي عادي تنطيط ورقص وخروج هوووووووووب اتاخرت يوم واتنين وتلاتة وانا دورتي الحمد لله منتظمة
فقلت لما اشوف حكاية عنق الرحم وبجد والله سبحان الله لقيت عنق الرحم اترفع جدا يدوب حاسة بطرفه واتقفل شكيت بنسبة كبيرة اني حامل وفعلا حللت وطلعت حاااااامل
بس خلوا بالكم مفيش واحدة تعمل كده وتدخل ايدها جامد انا كنت يدوب بلمس اصلي بخاف قوي
لان ممكن تكون حامل لاقدر الله وتسقط نفسها
وبعدين الموضوع مظهرش معايا غير بعد لما البريود اتاخرت وماما كانت بتقولي كانت بتحس بيه لما تكمل 40 يوم من الحمل
يارب اكون فيدتكم وادعولي ربنا يثبت حملي ويتمه ع خير ويرزقني بطفل سليم معافي ويقر عيني وعين زوجي برؤيته وكل الحوامل ياااااااااااارب::::::
رورة الحبوبة رورة الحبوبة 286418_2.gif فتكات متميزة Fatakat 286418 الدمام ونفسي ارجع اسوان احلي بلد في الدنيا – السعودية
سبحان الله و بحمده