ازيكم يابنات
عاملين ايه
طبعا فيه كتير منكم فكرنى لانى عملت طول موضوع الفترة اللى فاتت وقصتى اللى ابتدات بارتفاع الصف
غط من اواخر الشهر التامن
المهم كنت كتابه موضوع يوم السبت انى تعبانه وكلكم نصحتونى اولد مدام دخلت التاسع وخدت حقن الرئه
وفعلا رحت الدكتور فى نفس اليوم على العصر وقالى ولاده النهارده لانه حاول مع ابنى يتحرك بالسونار مكنش بيتحىك خالص طبعا اتخضينا انا وجوزى وجرى على البيت جبنا حاجه البيبى وحاجتى كنت محضراهم طبعا من بدرى وخدت دوش وشلت الشعر بسرعه وعلى المستشفى
بصوا انا ولدت فى مستشفى الندى هحكلكم تفاصيلها الاخر
االمهم المستشفى كشفوا عليا ضغط وحرارة وسمعوا نبض البيبى ودخلونى الاوضه بتاعتى احط حاجتى واغير
ولبست البالغ بتاعت العمليات دى بس بجد فضيحه دى مابتبقاش ساترة الواحده ابابدا
وخدونى على العربيه بتاعه العمليات دى وجوزى وماما هيموتوا عليا
وانا دخله جوزى كان عايز يخش معايا بس الدكتور ضحك عليه وقاله هتعقم واجيلك ومعبروش بعد كده ههههههههه
المهم دخلت الازضه بتاعه العمليات وانا بحاول اتجاهل المنظر اللى حاوليا وبقيت عماله استغفر واسبح واقرا قران
جالى دكتور التخدير وفضل يتكلم
معايا ويهدينى الله يباركلو انسان محترم جداااا وهدانى فعلا مع انى كنت خايفه من البنج النصفى جدا وادانى مخدر الاول فى ضهرى وبعدين حقنه البنج محستش بيها نهائى خالص وراحوا منيمنى ودخل الدكتور بتاعى ومعاه دكتورة تانى وحو ستاره على وشى وخمس دقايق او اقل ولافيت دكتور التخدير بيقولى هما فتحوا وهيطلعوا البيبى دلوقتى هتحسى بضغط شويه مؤلم فى بطنك من فوق
وفعلا حسيت بالضغط
بس كان عادى مش مؤلم وسمعت صوت مالك حبيبى بيعيط
اول سؤال ساله ابنى كويس يادكتور قالى زى القمر وخده دكتور الاطفال كشف عليه وبعدين جابهولى اشوفه وحطه جنب وشى ابوسه والمسه وسالته على الرئه قالى بيتنفس طبيعى اهو وطمنى عليه وبعدين خدوه بره لجوزى يشوفه ويحموه ويلبسوه
وانا فضلت جوه نص ساعه تانى للخياطه وخلصت وطلعت اوضتى
وبعد ساعه جابولى مالك ارضعه واشوفه
وطلعت النهاردة الضهر من المستشفى على خير وربنا وقف معايا ومحرمنيش من ابنى الحمدلله
اللى عايزة اقوله بقى
بالنسبه للدكتاره والمستشفى فوووووق الممتاز الدكتور بتاعى كويس جدا وكان بيجى يبص على الجرح ويبعت دكتاره مساعدين ليه يبقيبصوا مرتين فى اليوم
المستشفى نضيفه جدا الاوضه بتتمسح مرتين فى اليوم
الاكل تمام ونضيف
الممرضات كويسين جداااا وبيتعاملو بحب شديد وحنيه كانوا بيجوا يدونى الدوا بالثانية
ولو ضربت الجرس بيجوا فورا
ما
تلك حموه كويس جدا وكانوا بيخدوه بالليل عشان انا انام وارتاح وبيحموه ويجبوه الصبح وعلى مدرا اليوم بيجوا يغيروله كل شويه
قبل ماطلع دم قالولى اغيرله ازاى واتعامل معاه ازاى
طبعا جوزى كان بيديهم بقشيش كتير بس هما بيعملو من غير مايخدوا الصراحه
الولاده اتكلفت 8الالاف وحاجه بسيطا فى غرفه اولى ممتاز
بالنسبه للجرح كنت متوقعه المه بس اللى مكنتش متوقعاه البرد اللى هخدوا فى ضلوعى من العمليات المه رهيييييب هو ده اللى كان مموتنى اول يوم مانمتش غير بحقنه مخدرات اه والله تانى يوم بقوا يدونى حقن فولترين
الجرح ساعات بيحرقنى ويشد وده طبعى
وبيجيلى مغص فظيع وانا برضع مالك وقالولى طبيعى
بالنسبه الرضاعة مهم جدا انك تدهنيها قبل الولادخ بفتره انا عملت كده وبرده اتعورت بس اكيد مش زى اللى مش دهنت خالص وهى بتوجعنى بس المها محتمل الحمدلله
طبعا شكل بطنى مضايقنى جداااا ونفسى ترجع طبيعى بس ربنا يسهل
والحمدلله حمدا كثيرا طيبا انى رزقنى بقره عينى ابنى مالك
]
noureen2016 noureen2016 images/avatars/dark1.gif فتكات رائعة Fatakat 475056 حدايق الاهرام – مصر