السلام عليكم ورحمة الله وبركاته
ازيكم يا صحباتي
حاملين ايه
بصو الموضوع ده لازم يتثبت
هيتثبت يعني هيتثبت
فقيمي ممتاز احسنلك
انا بقولك اهووووووو
بدل مااثبتك انتي وانتي خارجة من فتكات
واعمل فيكي كده
هتقوليلي مش هتقدري
هقولك تعالي ياحبيبتي اوريكي
ام هند
دلوقتي بعد ما اطلقت حملة مش معايا غير حلتين
وان كان عاجبـــــــــــــــــــــــك
لاقيت اغلب الردود بتقولي
كلامك صح مليون %
بس مش هنقدر نعمل كده
هنتفضح قدام الناس وجوزي هيعايرني
وحماتي بتقول بنت اختي كانت جايبة وجايبة وبنتي جابت وجابت
ودي كانت كومنت من احدي العضوات
شهيصي يابنت شهرتك اهووووووو
المشاركة الأصلية كتبت بواسطة حياة فؤاده 
عارفه
زى ما احنا متفقين انتى كلامك كله مظبوط مليووووووووووووووووووون الميه
انا كنت زيك كده فى الأول
وكان نفسى أكمل على نفس النهج ده
بس للأسف أحيانا الواحد بيجبر على حاجات ولازم يعملها من غير اقتناع
انا كنت ناوية انى اوفر فى جهازى واشترى الحاجات اللى هحتاجها بس وانا اصلا طبيعتى مش بحب البهرجة ولا التبذير
بس النصيب جا مع ناس بتموت فى البهرجة
وبتعشق المنظرة
وحماتى بتسألنى جبتى ايه وبكام وجبتى كام طقم مش عارفه ايه وده انا عندى بنت اخيا جابت كذا
وبنت خالتى جابت لبنتها كذا
وطبعا انا مش عاوزة اسمع كلمة منها مالهاش لازمة لأنها هتكون موجودة يوم الفرش فعشان كده بقيت ادور ع الجديد اللى أجيبه
وأجيب بدل الطقم اتنين وتلاته
وغصب عنى مش بكون راضية ولا مبسوطة
بس هى للأسف خلتنى مبقتش واثقة فى نفسى ولا فى الحاجات اللى بجبها
اقولك سر
انا مهما جبت بحس انى دايما مش جايبة حاجة وانى حاجتى مش هتعجبهم
وانا عملت الموضوع ده مخصوص لاني كنت بكلم حماتي
وقالت ليه نفس الكلام ده
قالتلي لازم تجيبي طقم شاي وطقم شربات وخلي بالك تجيبي كذا وكذا وتجيبي كتير
عشان محدش يقول انك مش جايبه كتيررررررر
وعلي فكرة انا علاقتي بحماتي كويسة جدا
وانا عارفة انها بتقولي كده عشان مامتي ميته وانا معرفش حاجه في الجهاز
وانا كمان بحبها والله وبعتبرها ام ليه
بسسسسسسسسسسسسسسسسسسسسسسس
هي نفسها تخلي مرات ابنها تجيب لابنها احسن حاجات وكل حاجه
وانااااااااااااااااااااااااااااااااااااااااااااااا اااااااااااااااااااااا نفسي
محدش يفرض عليه تقاليد متخلفة وعادات خاطئة
طيب والحل ؟؟؟؟؟؟؟؟؟؟؟؟؟؟؟
عارفة رديت عليها قولتلها ايه
قولتلها انا اجيب في شقتي اللي هستخدمه واللي انا عاوازه
ومش بكتر الحاجه انا بجيب احسن واجود واغلي خامات بس اللي هستخدمه
مش اللي هركنه
انا مليش دعوة بكلام دي ولا كلام ده
الناس في كل الاحوال هتتكلم
1- لو جبتي كل حاجه هيتكلمو وينقو عليكي ويحسدوكي
2- لو حاجات متوسطة او قليلة هيقولو مجبتش ومجبتش
وفي الحالتين الكلام هيبقي اول اسبوع وخلاص
فليه توجعي دماغك سيبي اللي يتكلم يتحرق
وهاتي اللي هتستخدميه بس انواع كويسة عشان تعيش معاكي
ومش بكتر الحاجه انتي ممكن تجيبي حاجات كتير وتترمي لانها لاتصلح للاستخدام
وممكن تشتري كام حلة هتستخدميهم بس عمرك ماهتغيريهم
المهم دلوقتييييييييي هتقولولي نعمل ايه اخلصي
هقولكم من وداني حااااااااااااااااااضر
بصي فيها ايه لما تكونو صرحاء من الاول
وزي ماكلنا بنوفر لعريسنا وبيصعب علينا
وبنرحمه وبنقدره في المصاريف والطلبات
فيها ايه لما تتكلمي معاه من الاول
وتقوليلوه انا ادري باللي محتاجاه ومفيش حد ليه عندي حاجه
وانا اللي هستخدم واحنا اولي بفلوس النيش والكلام الفارغ ده
ولو في امكانيات متوفرة عند اهلك حطي الفلوس باسمك احسن
ولو مفيش يبقي ارحمي اهلك وارحمي ابوكي من الديون والزنقة
ووفري فلوس لاخواتك التانين
واخيرا وليس اخراااااااااااااااااااا
كلامي مش عيب ولا حرام
مش عيب انك تراعي ربنا في اهلك وتوفري لاخواتك
وتقدري الظروف وترحمي اهلك
مش عيب انك متهتميش بالمظاهر الكدابة ومتبصيش لغيرك
مش عيب انك توفري فلوس لحاجات اهم
مش عيب انك لو ظروفك تسمح تساعدي واحدة يتيمة محتاجة جهاز عشان تستري مسلمة
مش عيب اننا منبصش لغيرنا عشان ربنا يبارك لنا
مش عيب لو انتي حماة وقريتي موضوعي تقدري ظروف مرات ابنك وتبطلي شغل الحموات وترحمي اهلها زي مارحمو ابنك في الشبكة والمهر والمؤخر وزي مااهلها اشترو لبنتهم راجل اشتري انتي واحدة تصون شرفه واسمه ومش تشتري نيش وكاسات وطقم جيلي وطقم سمك وطقم كاكاو
ومتنسوووووووووووووش
قوله تعالى : ( وآت ذا القربى حقه والمسكين وابن السبيل ولا تبذر تبذيرا إن المبذرين كانوا إخوان الشياطين وكان الشيطان لربه كفورا وإما تعرضن عنهم ابتغاء رحمة من ربك ترجوها فقل لهم قولا ميسورا )
في رعاية الله
صلو علي محمد صلو علي محمد فتكات رائعة Fatakat 864019 القاهرة – القاهرة