ازيكم يا احلى اصحاب فى الدنيا
جاية النهاردة اشكركم شكر حااااااااااار
عملت الفطير المشلتت ولاول مرة فى حياتى اعمله ويطلع فعلا مورق وجميل
والفضل طبعا يرجع ليكم وانكم متبخلوش باى معلومة
وكمان انا عملت بطريقة ام عائشة ودا لينك الموضوعhttps://fatakat.univanet.com/#2410825
بجد اعملوا بطريقتها ناجحة جدااااااااا
انا قلت اجرب كوب ونصف من الدقيق علشان لو خسرت يبقى الخسارة بسيطة
وحطيت عليه الملح وحطيت المية بالنظر يعنى تحطى شوية شوية لغاية لما تلم العجينة معاكى ومش تلزق فى ايدك اوفى الطبق
وانا بقى بقيت اعجن فيها كويس جدااا وابل صوابعى بالماء واعجن لغاية ما تحسى ان العجينة بقت معاكى زى اللبانة
انا عملته مرتين فى نفس اليوم اول مرة سبت العجينة ترتاح اربع ساعات وتانى مرة سبتها ترتاح ساعة ونصف
بس ضرورى تدهنى العجينة بعد ما تقسميها بالزيت وتغطيها
وبعدين بقى يا فتوكة انتى وهى بعد ما ترتاح تفرديها بعد ما تدهينيها بالسمن من فوق ومن تحت واديها سمن كتير علشان تبقى مورقة وطرية
واتفرجى بعينك وافرحى بقلبك لما تشوفى الفطيرة فى الفرن بتعلى
والله يا بنات انا اختى قالت لى انتى حاطة فيها خميرة لانها كانت عالية ما شاء الله
شوفوا انا منزلتش صور لان ام عائشة عاملة الواجب
وعلى فكرة علشان تعرفى الفطير مظبوط ولا لا وانتى بتفردى العجينة بتفرد معاكى ومش بتلم تانى
ودى اعتبريها اول بشرى
اما البشرى التانية وهى بتعلى فى الفرن
والله يا بنات مش قادرة اوصفلكم فرحتى بنجاح فطيرى
وكلكم جربوا طريقة ام عائشه ومش هتندموا ابدااااااا مواضيع هذا القسم برعاية
الصبووووره الصبووووره فتكات متميزة Fatakat 577237 القاهرة – مصر
سبحان الله و بحمده