صباح الخير عليكم جميعا يارب تكونوا بخير
النهاردة انا جاية اقولكم انى اخييرا عملت الفراخ البروستد وطبعا ف وصفات كتير ف المدونة عنها
انا قريتهم كلهم واخترت طريقة العضوة مرسم وطبعا كنت خايفة تبوظ زى البلوبيف ههههههه
بس اتكلت على الله وبعت استفسرت منها على حاجة وهى ردت علية وطمنيتنى
ودة اللينك بتاع الموضوع اللى هية عملاة هنا
https://fatakat.univanet.com/#1011705
هقولكم بقى المقادير / فرخة متقطعة 8 قطع ومتشال جلدها وكل قطعة ضربتها مطوتين ههههه
عملت التتبيلة بتاعتها عبارة / كوب زبادى وبصلة متوسطة و5 فصوص ثوم ومعلقة عسل و1/2 م جنزبيل ورشة زعتر
وشوية مية ومعلقة ملح وشوية بابريكا دول بيضربوا ف الخلاط والمية بتاعتهم ننقع فيها الفراخ
انا نقعتها يوم كامل ف الثلاجة وبعدين نطلعها ف مصفاة ونسيبها تصفى المية خالص
نحضر الدقيق ونضيف علية م بصل بودرة ونص معلقة توم ورشة زعتر
وجبت 3 بيضات ضربتهم كويس مع بعض وضيفت شوية خل صغيرين عليهم
تحطى الفراخ ف البيض وبعدين نطلعهم على الدقيق وبعدين نحط ف البيض تانى وبعدين الد قيق
ونسخن الزيت كويس قووووووى ونشيل الفراخ من الدقيق ع الزيت واول م تلاقى الطبقة بتاعتها بدءت تتماسك وطى النار خالص وغطى الطاسة
وسيبى الفراخ حوالى تلت ساعة ع النار لحد م تستوى وبالهنا والشفا انا عملت معاها بطاطس مقلية ومكرونة
ملحوظة خدى بالك منها / ف الوصفة الاولى مرسم قلت الفراخ ف حلة ضغط انا بقى قليتها ف الطاسة العادية
بس المهم الزيت يكون كتير يغطى الفراخ وتغطى الطاسة كويس
وكل شوية تقلبى الفراخ على كل الاتجاهات عشان تستوى كويس ومتنسيش توطى النار خالص بعد م الطبقة تتماسك
استنوا بقى / مش عقول لحد قيم عشان اديكوا م توجعكوش
بس وانا باكل امبارح دعيت لمرسم دعوة ربنا يقبلها وانا والله م اعرفها خالص فكل واحدة فيكم تقرا الموضوع تدعيللى
بصلاح الحال وفك الكرب وربنا يعوضنى عن خطيبى بالزوج الصالح انا وبنات المسلمين
واللى هتتفرج وتجرى مش م سمحاها هههههههه
مواضيع هذا القسم برعاية
فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt