أنا عندي مشكلة زيادة الوزن بعد إنجاب ابني الأول، مش عارفة ليه الستات بتتخن بعد الإنجاب، المهم .. أنا لاحظت إن فيه موضوعات كثيرة عن التخسيس بالزيوت والأعشاب ولاكلام الفاضي ده إللي بيعمل (مصايب في الجسم مع التخسيس) !!!
إزاي؟
شوفوا.. علشان نفهم… لازم نعرف الحاجات دي بتخسس إزاي وبتعمل إيه في الجسم.. أي زيادة في الوزن عبارة حاجتين أساسيتين ( دهون وماء) وهما مرتبطين مع بعض، يعني مش ممكن الوزن يزيد بواحده منهم بس، الطبقة المترهلة تحت الجلد دي (دهون وماء مع بعض) بالإضافة إلى الماء الموجود في أنسجة الجسم عموما..
الأعشاب بتخلي الماء يخرج من الجسم عن طريق البول وبسرعة وبعدها يقل البول جدا، والدهانات بتخلي الماء يخرج من الجسم عن طريق العرق ..
حلو الكلام..
دلوقت في الحالتين الماء خرج من الجسم، والماء له وزن فلما الماء بيخرج الوزن بينقص،لكن الدهون بتبقى زي ما هي من غير أي نقص، الدهون دي مصدر طاقة ومش ممكن تخرج من الجسم إلا بحرق هذه الطاقة عن طريق الحركة والنشاط، ولا بينفع معاها أعشاب ولا زيت ولا ساونا ولا الجن الأزرق..
دلوقت الماء خرج من الجسم ، بطريقة غير مشروعة ( أعشاب ودهانات) فبيحصل نقص في الماء في الجسم وهنا المشكلة كلها..
نقص الماء في الجسم يؤدي إلى قلة التبول، والتبول عبارة عن عملية تنظيف للدم من الأملاح والأشياء الضارة، وقلة التبول ممكن تصيب الإنسان بنفس أعراض مرض القصور الكلوي، وممكن تزيد ترسيب أملاح اليوريك على المفاصل فتسبب مرض النقرس…
لو استمرينا في فقد الماء بهذه الطريقة مش هتنتظم عملية التبول، وهتحصل مشاكل..
ولو أوقفنا التعاطي للأعشاب أو الاستخدام للدهانات هيرجع الماء تاني
طيب إيه الحل..
الحل إنكم مش تبقوا كسالي زي حالاتي وتقوموا تعملوا تمارين
رضا 217 رضا 217 381378_1.gif ممنوعة من المشاركة Fatakat 381378 طنطا – مصر
سبحان الله و بحمده