السلام عليكم ورحمة الله وبركاته
يارب يرزق كل مشتاقه يارب بالذريه الصالحه السليمه المعافاه
انا حبيت أقول تجربتى مع المركز لان كذا حدسألنى وفى غيرهم , وخصوصا انى عملت تحليل الكروموسومات بتاعهم ودى حاجه جديده وفى بنات اكيد حابه تعرف الموضوع ده
مش عاوزة منكم غير دعوه بظهر الغيب , ان ربنا يطمن قلبي فالسونار لانى لسه معملتش اول سونار
انا يابنات روحت فى شهر واحد للمركز عشان كنت عاوزة اعمل معاهم التحاليل اللى بيعملوها قبل الحقن
انا كنت شايفه انها ضروريه انى اعملها بغض النظر انى هكمل مع المركز او لا , يعنى رايحه وانا مش مقرره انى اكمل معاهم اصلا
كنت عاوزة اعمل التحاليل لانى ليا تجربه حقن محصلش فيها اخصاب, وتانيه جنين من غير نبض , وتالته اجنه درجه تالته ومفيش منها حمل
روحت وفعلا عملولى تحاليل كتير كلفتني حوالى 3 الالاف جنيه , كانوا تقريبا فى حدود 12 تحليل
منها الاجسام المضاده , والتجلط والسيوله , وجين التججلط نفسه , وحاجات لبطانه الرحم , وحاجات تانيه مش فاكراها بصراحه
وطلع فعلا عندى مشكله اجسام مضاده
وقتها مكنتش ناويه أبدأ , وكنت عاوزة اخد فيتامينات عشان جودة الحيوان المنوى والبويضه , وكنت حابه امشى عليها مش اقل من 3 شهور
وفعلا اخدت ادويه من عندهم هي غاليه بصراحه
بس اعتقد انها فادتنى , كانت العلبه للست ب 1050 والراجل 990
ولما صاحبتي حبت تجيب بتاعت الراجل من الصيديله,, الصيديلي دورلها عليها وجابها لها ب 1250
وفى شهر 4 قررت أبدأ وبالفعل بدأت معاهم
دلوقتى هقولكم تفاصيل الاسعار
تالت يوم البيريود اخدت جينيرا , منع حمل كانت ب 25 جنيه
مشيت عليها تقريبا 17 يوم ومن اليوم ال 12 تقريبا روحت وعملت تحاليل واخدت ابر لوكارين كلفنى كله 1350
تحليل سائل منوى 70
ممكن لو ماخدتوش الادويه الغاليه اللي قولت عليها من الاول , الدكتور بيفضل ان مع بدايه العمليه فالشهر ده , انا انتى و زوجك تمشي عليها لمده شهر
يعنى علبتين واحده 1050 وواحده 990
تحليل اول زياره 200 جنيه
تاني زياره 140
متابعه التبويض كلها بتبقى 1000
اول ادويه للتنشيط نفسه 1630
تحليل وادويه تالت زياره بعد اسبوع تقريبا 510
الزياره اللي بعدها 200 تحاليل و 600 ادويه
الزياره الي بعدها 200 تحاليل و 800 ادويه منهم الابره التفجيريه
العمليه سعرها لمحاوتين 9250, واو محاولة واحده 7250
تحليل الكروموسومات اسعارها :
اول جنين 3150
تاني جنين 3150
تالت جنين 3150
لو اربعه 11500
لو 5 اجنه 14000
وبيتعمل في اليوم ال5 من السحب , ونقلت اليوم السادس
حللت اجنه وطلع واحد مش كويس , ونقلت واحد الحمد لله كويس
وعملت التحليل والحمد لله والشكر لله في حمل
نسيت اقولكم معلش
الاجسسام المضاده علاجها محلول بيتعلق كل 3 اسابيع
اول مره علقته فى التنشيط وسعره 270, والتانى يوم السحب , وتالت مره يوم التحليل وكل مره ب 270
ادويه التثبيت العلبه 650 جنيه تكفى اسبوعين
الكليكسان العلبه فيها 2 ب 74
باخد بريجناكير وسيكلو بريجونوفا ودوا كمان اسمه ديكسازون
مش فاكره تقريبا تفاصيل اكتر من كدا
اللى عندها اى استفسار انا تحت امرها
بالله عليكم دعوه حلوة ان ربنا يرزقنى الذريه الصالحه من حملى ده , ولما اروح السونار اسمع النبض واطمن , وحملى يكمل على خير
احبكم فى الله
foofoo 55 foofoo 55 فتكات نشيطة Fatakat 1148208 القاهره – مصر