ازيكم ياهوانم و يافتوكات؟…انا حبيت انقلكم تجربتي مع الريجيم علشان الفايدة تعم على الجميع, خاصة الناس اللي لايصة في موضوع الريجيم و مشتقاته ههههههههه, ما هو انا لما ابتديت توهت من كترت انواع الريجيم اللي تقولك خسي ٥ كيلو في يوم و اللي تقولك ٢٥ كيلو في شهر, غير مشروبات حرق الدهون و كل مرة تبتدي مع جروب و بعدين تخلعي و تبتدي مع غيره, مع تساقط لشعر و وشك يخس و يضعف و لسه جسمك من تحت عامل زي البلدوزر……
انا حكايتي ابتدات من ٢٠١٢, كنت رفيعة و باخذ وصفات تسمين علشان اسمن بعد كده حصلي شوية متاعب صحية و دخلت مستشفى و عمليات و ادوية و رقده في سرير و بقت مواهب كلبظة تظهر بس انا اهملت و تخنت لحد اني كرهت نفسي, مع ٢٠١٣ ابتديت في موال الريجيم…..
الخلاصة قبل ما تقرري على ريجيم لازم تثقفي نفسك غذائيآ, و صحيا و ده مش كلامي ده كلام اخصائية التغذية و الرشاقة كنت معها لفترة ٤ شهور و بتابع معايا اسبوعيا , البرنامج كان اكل و رياضة, و انا حكتب كل حاجة و معلومة هي قالتلي عليها……
لازم تسالي نفسك مجموعة اسئلة قبل ما تبتدي البرنامج و تجاوبي بكل صدق علشان نفسك اولا و اخيرا و تكتبي السؤال و الجواب في ورقة و تقرايها كل مرة تنزلي في الميزان.
١- هل وزنك يعتبر زيادة وزن فقط او انتي وصلتي لمرحلة زيادة عالية او خطيرة؟
٢- انتي عايزة تخسي علشان جوزك او علشان تتجوزي او علشان الناس اللي حواليكي او علشان عندك مناسبة او علشان عاوزة تغيري من نفسك علشان صحتك ؟
٣- عايزي تخسي في وقت قد ايه و ليه؟
٤- يا ترى لو خسيت و وصلتي للوزن اللي انتي عايزة حتعملي ايه بعد كده؟
٥- ايه سبب السمنة و الوزن الزايد عندك؟ اكل او وراثة او مرض او نفسيا؟
٦- حددي الحاجات و الاكلات اللي بتضعفي قدمها؟
٧- هو انا اعرف ايه عن جسمي و احتياجاته الغذائية؟
٨- هو انا عندي رغبة و ارادة علشان اخس؟ و الا انا بعمل كده و خلاص؟
٩- ايه المشكلة او المشاكل اللي تخليكي تبطلي او بتلخبط الريجيم بتاعك؟
غفرنك يارب غفرنك يارب فتكات متميزة Fatakat 744954 دخان – قطر
سبحان الله و بحمده