احب ااقولكم على تجربتي في البنج الكلى و النصفى في الولادتين بتوعي
في الولادة الاولى اخدت بنج كلي و ربنا ما يوريكو صحيت على وجع رهيب في بطنى اكنى واخدة 100 بوكس على سهوة و ااقول لمرضة انت بتهبدينى ليه تقولى و الله معملت حاجة انا بشيلك بس من سرير لسرير وكمان الوجع كان جامد لما كانت الممرضة بتدخل تدوس على بطنى علشان الرحم يرجع لمكانه الطبيعي تاني
المرة التنيه بقى قولت لا انا هجرب النصفى بقى علشان اشوف انهي واحد احسن بصراحه النصفى احسن بكتير الوجع بيروح براحة مش مرة واحدة حقنه الظهر مش بتوجع خالص و اعتقد انه معتمد على شطارة دكتور التخدير
اللى مجنني بقى اني نمت نوم غريب وانا واخدة البنج النصفى بس انا متاكدة اني اخدت بنج نصفى علشان اول ما خدتها حسيت بتنميل و تقل في رجلى لحد صدري بس انا نمت ليه هو ده اللى مجنني
Amira80 Amira80 35731_1.gif فتكات متميزة Fatakat 35731 الاسكندرية – مصر