سلام عليكم فتوكات
ربنا يتم حملكم على خير لكل حامل
واللي لسه اصبري واحتسبي واستغفري وروقي دماغك وان شاء الله ربنا يرزقك عن قريب كله بايد ربنا متشغليش بالك بامتى
انا كنت كتبت من اسبوع تقريبًا "او اقل" ان عندي افرازات بني وخايفة وكدا
المهم انا حصلي دا التلات بالليل
يوم الاربع الصبح نزلت جري ع الدكتورة
دا حمل بعد سنتييييييين تأخير "لله الحمد والفضل "
الدكتورة كتبتلي على
1- prontogest حقن في العضل كل يوم
2- pregnyl حقن في العضل بردو بس كل 3 ايام
اخدتهم على طووول وعلى بالليل الافرازات بقت اغمق
كلمتها قالتلي خدي دافلون من بكرا لو استمرت
انا مستنتش بقااا
اخدته على طوول
قلت الافرازات شوية بس موقفتش بردو
تاني يوم بقا والدتي جاتلي طبختلي لاني ممنوعة من الوقوف لغاية ما الافرازات توقف
ربنا يخليهالي خضار بقا وشوربة وفراخ وكله كله وبكدا اتغذييييت وغذيييت البيبي وانا بصراحة قبلها كنت مش باكل اوي
اهم حاجة بقا بس ودي اللي واثقة انها اللي جابت النتيجة التمام
رقية تثبيت الحمل انا نزلتها في موضوع قبل كدا
الاستغفاااااااار كنت بستغفر لغاية ما انام معرفش كام مرة
الدعاء "اللهم اني استودعك جنيني الذي في رحمي يا من لا تضيع ودائعه"
آية الكرسي والمعوذتين وقل هو الله احد
انا خلصت متنسوش بقا التقييم وربنا يثبت حملنا كلنا ويكمله على خيييير
حبيبة جوزها حبيبها حبيبة جوزها حبيبها 1075589_2.gif فتكات نشيطة Fatakat 1075589 الجيزة – مصر