أنا ورمت من اللف على محلات تأجير فساتين الزفاف
وفي حاجات مهمه جدا أكتشفتها
1. لازم لما تنزلي تكوني محدده معاد الفرح لأن في محلات مش بترضى تخليكي تقيسي الفستان إلا لما تكوني عارفه معاد الفرح (رخامه بعيد عنكم )
وتنزلي تأجري قبل الفرح بشهر مش أكتر ولا أقل
ليه بقى ؟؟
لو أكتر هيتأجر قبليكي كتييير ولما يوصل لمعادك هيكون طلع عينه و عين إلي خلفوه
ولو أقل من شهر .. هيستغلوكي لأن هيحسو أن فرحك خلاص فاضل عليه أسبوع أو أسبوعين ومزنوقه في الوقت فا هيغلو عليكي في السعر .
2.لازم تكوني لابسه البرا و الكورسيه إلي هتلبسيهم يوم الفرح (عشان الحاجات دي بتفرق أوي في شكل جسمك وفي الفستان )
3.لازم نعرف أن فستان الفرح ده نصيب …. أه والله
لييييييييييه بقى ؟؟؟؟؟؟؟؟؟؟؟؟
كل واحده فينا بتبقى نفسها في فستان معين في دماغها تيجي بقى تقيس واحد زيه يطلع يقرررررررررف عليها
دي للأسف حصلت معايا أن كان نفسي في فستان منفوش زي سندريلا كده
بس لما قسته طلع بشع عليا
فجبت واحد تاني مش منفوش و شكله طلع تحفه عليا
مع أنه مش فستان أحلامي
بس فستان أحلامي طلع مش لايق عليا أعمل إيه بقى
أموت نفسي لأه طبعا
3. لماتيجي تقيسي الفستان أقفي على طراطيف صوابع رجلك
عشان تشوفيه محتاج كعب عالي ولا لأه
4. لما تيجي تقيسي الفستان لازن تقيسي الجيبونه معاه لاااااااااااااازم ها
وأبووووووووووووس إيديكم بلاش الجيبونه السلك
خليكي في الجيبون التل أو الجيبونه الكرانيش
وفي إخترااااااااااااااااااع رهيب أسمها الجيبونه المطاط
أو المستورده .
تحففففففففففه بكل المقاييس .
4. الفصاااااااااااال يا قمرااات
لاااااااااااازم
لأن مثلا ممكن تقولك 1000 و تاخدي ب 500 النص تخيلي
5. خدي معاكي إلي بتثقي في رأيهم أو إلى ذوقهم قريب من ذوقك
يعني نصيحه مني ليكي
ماتخديش مامتك معاكي
أه طبعا ماتخديهاش
أولا هي من جيل وأنتي من جيل تاني خااالص
وإستحاله إلي يعجبك يعجبها
خدي حد من سنك يا ريت
هتكونو فاهمين بعض أكتر.
6. لو هتأجري أول لبسه لاااااازم تاخدي معاكي لحد يوم الفرح
ليه بقى ؟؟؟
إنتي ضامنه أنك فعلا هتكوني أول لابسه ؟؟؟
أنا كده خلصت أي خدمه يا بنات
mero art mero art 600176_4.gif فتكات رائعة Fatakat 600176 جيزه – مصر