تخطى إلى المحتوى

تجربتي الكاملة مع الأشعة بالصبغه ادعولي يارب تيجي بفايدة -لصحتك

  • بواسطة

السلام عليكم

يااجمل واطيب وارق قلوب قابلتها بجد الحب الي شوفته منكم اليومين الي فاتو يخلوني عاجزه عن شكركم بس والله بفتكركم كلكم في الدعاء الحاجه الوحيده الي اقدر اعملها ليكمبجد بحبكم اوي في الله
انا دلوئتي هكتب تجربتي ان شاء الله مع الاشعة بالصبغه عشان كل البنات المقبلين عليها
اولا انا عملتها في مستشفى النور المحمدي في المطريه عشان قريبه من أمي عشان حد فيهم يقدر يجي معايا
ثانيا روحت هناك ع خمسه والحمد لله اني روحت بدري لاني فوجئت انهم بياخدو حالتين بس في اليوم

الحجز بيكون من الساعه سته والدكتور بيعملها الساعه تمانيه ونص (عارفه الوفت طويل بس المضطر يركب الصعب) ولما بتحجزي الممرضه بتيدكي ورقه مكتوب فيها المطلوب تشتريهبتشتري الصبغه وسرنجة ب 35 جنيه من جنب المشتشفى وأجره المستففى 80 جنيه يعني الموضوع كله 115 جنيه ومش بيعلموها ببنج لو انتي عايزه تاخدي المسكن الي كتبتلك عليه الدكتوره قبل او بعد الصبغه مفيش مشاكل

ف الأول كنت عادي وعامله اهزر مع اختي (ادعولها ربنا يبسر ليها امر زواجها) بجد تعبتها معيا وفضلت ياعيني معايا من خمسه للحداشر ونص بس الحمد لله كنت بذكر ربنا طول الوقت وده الي هون عليا الموضوع

المهم أذن عليا المغرب هناك في المستشفى وكان فيه مسجد فيها قومت صليت وبجد حسيت ساعتها أن الانسانلما يكون في شدة بيكون قريب اوي من ربنا ياااااه ع الاحساس الي حسيته وانا بسجد وببكي ان ربنا مايكتب عليا دخول المستشفيات تاني يااااااااه وانا حاسه ان ربنا جنبي وسمعني وهيعوض كل الي شفته في الايام الي فاتو دول بس سبحان الله كان جوايا رضا بإي نتيجه هتطلع والموضوع ده فرق معايا أوي
بعديها ابتدى الوقت يمر بسرعه ساعتها جوزي جه وأعد يكلمني شويه ودخلت من الموبايل وقرأت كل دعواتكم وبكيت والله لكميه الحب والاخلاص اللي شوفتها منكم وقلت والله ماربنا ماهيخذلنا بالدعوات دي كلها

نادوا اسمي وياااااااااااربي فكروني باايام امتحانات الشفوي (كنت كليه لغات وكل شويه امتحان شفوي لما نشفو دمنا ههههههههه) ساعتها بس قلبي ابتدى يدق جامد بس اعدت ادعي واقول اللهم لا سهل إلا ماجعلته سهلا فأنت تجعل الحزن إذا شئت سهلا واستغفر وادعي ليا ولكل صحابي حبايب قلبي الي هنا في فتكات

دخلتني الممرضه أوضه الي بيولدوا فيها الستات طبيعي (عقبالنا كلنا يارب) وطلعا شويه تفاصيل خاصه باللبس وكده مش هقدر اكتبها ع العام المهم نمت ع السرير ع ضهري واخدت وضع السونار المهبلي بالظبط وبعد كده اتحط جوايا الاداهر الي بيضخو بيها الصبغة ع فكره تركيب الأداه دي والله مش متعب نهااااااااائي وفعلا محستش بحاجه ساعتها

لما دخلت الصبغه حسيبت بمغص زي البريود بس أشد شويه الدكتور قالي حاسه بحاجه قولتله ااااااااااااااااه ههههههههههههه قالي دي علامه كويسة المهم الموضوع اخد عشر دقايق كنت في عالم تاني بجد مع ربنا بدعي وبستغفر لغايه ما فكو الأداة دي وبرضه محستش بألم وبعدين قالولي خدي نفسك وحمد لله ع السلامه ياااااااه اخيرا خلصت الحمد لله

طلع اعدت بره الممرضه قالتلي انتظري كان ساعتها الم كان لسه شغال بس والله محتمل مش مميت يعني ولو كنت اخدت مسكن اعتقد ان الموضوع كان هيبئى اخف بكتير بس سبحان الله جت معايا كده ومخدتش حاجه استحملت وخلاص وكلها عشر دقايق كمان والوجع راح خالص ولا كن حاجه حصلت ممكن كان يجي شد بسيط لما اتحرك فجأة ولا حاجه بس فعلا كان الالم اختفى تماما وع تاني يوم كنت كويسه أوي بفضل الله
المفروض ان النظام ان الأشعه بالتقرير بتطلع تاني يوم بس هما قالولنا هنأخركم شوية وتاخدوها ف نفس اليوم عشان مش تتضطرو تيجو تاني فرحت وقولت مش مشكله نخلص

وقعدنا للغايه الساعة 11 الا تلت وف الاخر استلمنا التقرير ومرضيش الدكتور يقولي حاجه لا ولا البنت ال عملتهامعايا

فقولت مش مهم كده كده هعرضها ع الدكتوره بتاعتي

المهم ان قدر الله وماشاء فعل طلع ان عندي التصاقات خارجيه ع جوانب الانبوبتين والدكتوره قالتلي دي خلقه ربنا وملهاش علاج ويما تأثر على حدوث الحمل يما لأ انا ونصيبي يعني بس المفأجاه بئى

طلع ان رحمي ذو قرنين سبحانك يارب

وبالمره كان في أكياس ع المبييض فالدكتوره قالتي مفيش منشطات لا الشهر ده ولا الي بعده عشان الأكياس دي تخف بإذن الله

الحمد لله أشهدكم جميعا إني راضيه عن قضاء ربنا ليا والله لما طلعت من عند الدكتوره كالعاده بصيت للسما وكلمت ربنا وقولتله فوضت أمري ليك ياصاحب الأمر وفضلت أكرر في الجمله دي لغايه بجد ماحسيت معناها وفضلت احمد ربنا وأشكره واقوله يارب انا راضيه والله يارب انا راضيه راضيني من عندك
انا خلاص قررت مش هعمل حاجه تاني في الوقت الحالي وتوكلت على الله الرحيم وانا عارفه ان ربنا هيكرمني لاني طول عمري وانا ربنا بيتقبل دعائي الحمد لله

فااكيد ان شاء الله مش هيكسر بخاطري وهيفرحني وهكون أم

معلش لو كنت طولت عليكم بس انا بحب اتكلم معاكم

واي سؤال عن الصبغة انا تحت أمركم

بحبكم أوي في الله

**RONY** **RONY** 52419_45.gif فتكات غالية قوي Fatakat 52419 Cairo – Egypt

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.