سلام عليكم ورحمة الله
يا بنات حبيت اخكيلكم تجربتي مع دكتورة ربنا ينتقم منها شر الانتقام انا بدعي عليها ليل ونهار حسبي الله ونعم الوكيل فيها
انا روحت تابعت معاها من اواخر حملي انا مكنتش اعرفها بس لما سألت هنا في المنتدي علي دكتورة كويسة ناس قالت لي عليها وبحثت علي فتكات لاقت كذا حد بيشكر فيها
المهم روحت لها وكشفت عندها وهي شاطرة فعلا وارتحت معاها ف الكشف واتفقت اني هولد معاها
ال هيراجع مواضيعي هيلاقي اني بعاني من اواخر شهور ان الجرح القديم معرض لانفجار في اي وقت وهي نفسها قالت لي كده وقالت ان مينفعش يجي لي الطلق ابدا لان الرحم لو انفجر ممكن ان انا والجنين نموت
المهم في الشهر الامن جالي طلق جامد ونزل عليا ماية كتير فجوزي خدني وروحت لها
ان بيتي بعيد عنها جدا كنت بتعذب طول الطريق وبعيط من شدة الالم والطلق شغال وبركب يجي 5 مواصلات عشان اروح لها
هي اخر حجزها الساعة 4 روحت متاخرة 10 دق ووصلت ونا بتنفض من الالم مرضوش يدخلوني وقلت للسكرتيرة تعرفها حالتي ووو وماحيلات وفي الاخر مرضتش تدخلني
وجوزي زعق معاهم هناك ونزلنا وقالي معدناش نتابع هناك
بس انا صمتت اني اكمل معاها لاني مكنتش اعرف حد كويس غيررخا
المهم روحنا وكملنا معاها
واخر زيارة ليا عندها كانت يوم الخميس ال فات ده
وقالت لي ان الماية قلت جدا ومينفعش اتاخر بس الرئة مكتملتش فانا هروح لها يوم الاتنين وتكشف تودلني التلات
جيت يوم الجمعة الساعة 2 بليل جالي طلق شديد جدا الطلق الكاذب ال طول الحمل اتحول لحقيقي فضلت اتحمل للساعة 9 الصبح والالم زاد عليا جدا جدا جدا واللق بقي يجي لي كل دقيقة تقريبا وكل مرة معرضة فيها ان الرحم ينفجر
جوزي اتصل عليها علي التليفون الشخصي ال كانت مديهولنا السكرتيرة ال اسمها مدام احلام ردت وجوزي قالها عاوزة اكلم الدكتورة زوجتي حالتها كذا كذا
فقالت له هي عاملة تحاليل الولادة قالها لا قالت له لازم تعملها لان الدكتورة مش هدخلها اوضة العمليات كده
قالها طب لو عملناهم قالت له تودلها علي طول
نزلت ونا بموت والطلق والله ما بيعدي دقيايق الا لما يجي وعملت الحاليل وطلعت الساعة 12 الظهر
اتصلنا عليها تاني وقلنا لها التحاليل سليمة كلها وعاوزين الدكتورة تجي لها تقوله الدكتورة مش هينفع تولدها في النستشفي ال بتولج فيها لان مفيهاش حضانة والولد هيدخل حضانة لان الرئة مكتملتش
قالها طب نعمل ايه اسيب مراتي تموت
قالت له وديها اي مستشفي تولد هناك
قالها ازاي احنا متابعين معاها ومفيش دكتور يعرف حالتها
قالت له وديها مستشفي مش فاكرة اسمها كده ال موجودجة في رمسيس مستشفي حكومي
!!
المهم جوزي قفل وقعدنا نتصل بمستشفيات كتير كلهم رافضين يقبلوني ويقولوا الدكتورة بتاعتها تيجي تولدها الحضانات موجودة والعميات موجودة
جوزي اتصل عليها تاني وقالها احنا لاقينا مستشفي وفيها حضانة تيجي تولدها فيها تقوله لا الدكتورة مينفعش تولد الا في المستشفي بتاعتها
يقولها مراتي الطلق بيجي لها ومش لاقين حد يولدها ومعرضة انها تموت ونتوا سبتونا في نص الطريق تقوله في حالات في العيادة يمنفعش نسيبها
وفضلنا ندور علي مستشفيات لحد العصر ونتصل نتحايل عليها وهي رافضة
ويقولها طيب ملكيش دعوة بالولد ولديها وانا هجيب عربية اسعاف تنقله
ومفيش فايدة
احد ما الحمد لله ولدت في مستشفي السلامة ال في صفط اللبن ربنا يبارك فيهم والولد مدخلش حضانة ورعاية هناك واهتمام ماشاء الله
بس ال ولدني راجل بس للأسف كنت مضطرة
قومت انا والطفل بالسلامةة
بجد انا داعية علي عزة علوي لاني مفيش دكتورة عندها ولو بعض الشفقة والرحمة تسيب مريضة معرضة في اي لحظة ان رحمها ينفجر وتموت عشان حالات في العيادة
وال يغيظ ان السكرتيرة متصلة تاني يوم تشوفني ولدت ولا لسه
بس خدت ال فيه النصيب من جوزي بصراحة
ده ال حصل والله بكل أمانة لا زودت ولا نقصت حرف
والسلام عليكم
ممنوع كتابه مواضيع للتشهير بالدكاتره
ارجو قراه القوانين
وحمد الله على سلامتك
دودا حبيبة جوزها دودا حبيبة جوزها فتكات هايلة Fatakat 804637 القاهرة – القاهرة