السلام عليكم
اتعودنا لما حد ربنا بيوفقه وبيعمل حاجة ناجحة بتعرضها في المدونة وبتحكي عن تجربتها الناجحة
لكني هكسر القاعدة دي في الموضوع ده وهحكي لكم عن تجربتي الفاشلة
بما أني من اللي بيحبوا العزيزية جرتان فأول ما شفت طريقة عمايلها مع الشيف الجديد على قناة نور الحياة سجلتها على الموبايل وشمرت كده وجري رحت اعملها كان مقاديرها كالتالي:
1 ك لبن
1/4 ك سكر
5 جرام فانليا
1/2 ك مكرونة اسباجتي مسلوقة
عدد 2 أصفر بيض
ومكدبتش خبر جري جبت المقادير كلها وعملتها بنفس الطريقة
أول صدمة المكرونة كانت كتيرة جدا
حسب طريقة الشيف بتضيفي 4 كبش لبن في الخلاط على المكرونة وتضربيها لكني اضطريت احط اللبن كله علشان اضرب بيه وكان الخلاط بيلف بالعافية لدرجة اني شميت ريحته بيتحرق
طبعا علشان الموضوع ما يبوظش أكتر من كده حطيت كيلو لبن تاني عليها علشان تضرب في الخلاط
المهم خلصت أول خطوة وحطيت الخليط العجيب على النار زي ما الشيف قال المفروض يغلي غلوة كده لكن للأسف ملحقش حتى يغلي لانه لزق في الحلة وشاط
وفي محاولة اخيرة لانقاذ ما يمكن انقاذه جرى وعلى الصينية وتحت الشواية
لكن الحمد لله اتحرق من فوق
برضه ما سكتش شلت الجزء المحروق وأول حطة قطعتها لقيت طعمها مكرونة خالص وكان سيء جدا
برضه ما اتهزمتش رحت مدخله الصينية الفرن
لقيتها هبطت خالص تقريبا قلت النص ولونها أصفر بس طعمها بقى أحسن
قدمتهالهم على أنها صنف جديد ومرتضيتش أقولهم إنها عزيزية لأنها كانت ملهاش علاقة بيها خالص مواضيع هذا القسم برعاية
هبة الو هبة الو 393042_1.gif فتكات رائعة Fatakat 393042 أم الدنيا – مصر أم الدنيا