سلام عليكم ازيكم يا فتوكات يارب تكونو دايما في احسن صحة وحال
انا هحكلكم تجربتي الصغيره في اني اخس بس احب اقولكم في الاول ان كان وزني مظبوت لغايه فتره قريبه لغايه ماولدت بنتي بالظبت وبسبب الرضاعه وزني زاد 20 كيلو في سنتين من فتره وزنت نفسي فوجئت اني 80 وانا طولي على فكره 64 بعد كده بشهر بس تقريبا وزنت نفسي تاني لقيتني حوالي 86 ولا اي لبس جي على مقاسي مع اني بلبس في العاده اكبر من مقاسي عشان يبقى واسع كله بقى ديق وشكلي بقى عجيب شكل الرجل الاخضر
فقولت اكيد ماشيه في سكه اللي يروح مايرجعش ولازم اعمل وقفه
عايزه اقولكم الحمد لله ان من تاني يوم بدات امشي على النظام اللي عملته حسيت بفرق كبير حاسه بالنشاط مش كسلانه ولا هبطانه ودخول الحمام بقه منتظم كمان جات البيريود ماتعبتش زي كله مره ماخدتش الا حبايه بنادول خفيفه مع اني بتعب فيها قوي في العاده
الاهم اني خسيت 2 كيلو تقريبا بعد 5 ايام .. بس فرق في شكلي على طول ( من اول كتافي لغايه االارداف والبطن ) وكان ممكن يبقى اكتر طبعا بس انا ملعبتش رياضه لاني كنت بخرج كل يوم
انا رايي يا جماعه ان الاساس هو اننا نتعامل مع جسمنا صح باسلوب متكامل مش عشان تخسي تقومي تجوعي نفسك وبعدين ترجعي تتخني تاني وتمشي بطريقه اليويو وتخسي وتتخني وبالعكس المفروض نعمل نظام صحي نمشي عليه على طول
طيب انا مش هقولكم على نظام رجيم لاكن اهقولكم على الخطوط العريضه في نظام التخسيس اللي ماشيه عليه ويارب يبقى كلنا عندنا اراده نعيش بطريقه صح ا شاء الله وبيفرق في النفسيه جامد والله يعني انتي مش بتصلحي جسمك بس انت بتصلحي حياتك كلها
نبتدي بسم الله اولا الميه اهم حاجه .. شرب الميه على الريق وقبل كل وجبه وقبل النوم ومهم برضه استخدام المشروبات الحارقه للدهون قبل الوجبات وده رابط للمشروب اللي عملته ومفيد جدا https://fatakat.univanet.com/#2207333 للعضوه hana samir جزاها الله خيرا
الاكل بطريقه صحيه نبعد عن التحمير والتسبيك والرز الابيض نستبدله بالاسمر او الكسكسي او ناكل كميه قليله واستبدال العيش الابيض والفينو بعيش السن او نص رغيف بلدي في الوجبه ونقلل او بلاش الجبن المطبوخه ونقلل الملح والفطار اهم وجبه بس بيني وبينكم الفول لا غنا عنه مفيد وبيشبع وبيتعمل بطرق كتير وده رابط لاكلات صحيه ولذيذه برضه https://fatakat.univanet.com/#3530735 للعضوه قلب صافي وحنون جزاها الله خيرا
طيب ايه كمان النوم يبقى بعد العشا بساعتين
بالنسبه لبين الوجبات ممكن ناكل فاكهه او حمص شام او فشار …… المفروض كل ساعتني ناكل حاجه والمشروب الحارق للدهون ده والله بيسد النفس جامد وبرضه شرب الميه كل مانحس بالجوع والحاجه المفيده برضه وبتقلل الشهيه اكل السلطه في الاول قبل وجبه الغدا وكمان اكل اللبان ساعتين في اليوم بيخسس برضه
المهم اننا ساعه الوجبات الرئيسه ناكل اكل متنوع ومفيد وبطريقه صحيه ونحاول دايما ضهرنا يكون مفرود وبطننا مشفوطه ونمضغ الاكل براحه بحيث وقت الوجبه مايكونش اقل من 20 دقيقه لو اكتر يبقى كويس والشرب اثناء الاكل بيساعد على الهضم ونقوم قبل مانشبع على الآخر
وكمان فتره حرق الدهون وراحه الجسم بتكون بلليل يعني مهم جدا اننا نام بدري ونصحى بدري
آخر حاجه هكلمكو عنها هي الرياضه وانا بفضل عن نفسي رياضه الميل للمدربه ليزي لانها بتركز اكتر على منطقه البطن والارداف
وده رابط الموضوع https://fatakat.univanet.com/#5752433 للعضوه
همسه حائرة1 جزاها الله خيرا
وفي الآخر دي رسمه صغيره اختصار للكلام اللي اتقال عشان تفتكروه
واللي حابه تضيف معلومه اهلا وسهلا بيها يا قمرات
*soly* *soly* فتكات رائعة Fatakat 448580 المنصورة – مصر حبيبتي