السلام عليكم ورحمة الله وبركاته
اللهم صلى على محمد وعلى ال محمد انك حميد مجيد
كل سنه وانتو طيبين ورمضان كريم
افتكرت موضوعى مع هرمون البرولاكتين وقلت احكيلكو عشان لو حد فى نفس حالتى ممكن يستفيد
انا بعد ما تجوزت كان عندى الهرمون عالى وكنت بتعالج وينزل ويطلع تانى على طول فضلت سنه كده
بعدكده كان القولون تعبنى فالدكتورة طلبت منى تحليل غده درقيه وطلع عندى كسل فيها ومن هنا مسكت اول الخيط وبدأت اخد علاج الغده الدرقيه بانتظام والمفاجأه ان هرمون البرولاكتين نزل وبعد فترة سيبت العلاج لان ربنا اكرمنى بالحمل والتحاليل بردو كانت مظبوطه
فكل واحده عندها الهرمون مرتفع لااااااااااازم تعملى تحليل للغده الدرقيه مش بس كده تنتظمى على علاج الهرمون لحد ما ربنا يكرمك بالحمل مش تا خديه وتروحى تعملى تحليل يطلع كويس تروحى سايبه العلاج لازم تنتظمى وتستمرى عشان لو بطلتيه هيعلى تانى
يعنى خلل الغده الدرقيه يؤدى الى خلل هرمون البرولاكتين عشان كده لازم تشوفى الغده مظبوطه ولا لأ
وعلاج الغده الدرقيه بيكون مدى الحياه حسب الجرعه اللى محتجاها وخلل الغده له اعراض كتير منها
الكسل والارهاق والشعور بالبرد
وزيادة الوزن فى حالة القصور والعكس فى حالة النشاط الزائد
وقلة الرغبه الجنسيه
وألم المفاصل واعراض كتير لانها مسؤله عن حاجات كتير فى الجسم
يارب يكون حد استفاد من كلامى وادعو معايا ربنا يرزق كل مسلمه مشتاقه بالحمل السليم المعافى والذريه الطيبه ويشفى جميع مرضى المسلمين وينصر اخوانا فى سوريا وبورما ويهلك الظالمين
آمين يارب العالمين
روح تائبه روح تائبه 454480_7.gif فتكات غالية قوي Fatakat 454480 ________ – ________