ازيكم يا احلى صحبة
اولا : اهم قرارين اخدتهم فحياتى انى اولا مدخلش قسم قضايا ساخنه تانى لانى اتحظرت فيه مرتين علما بأنى مأسئتش لحد وربنا يعلم
ثانيا والاهم : انى اخس
واسبابي فموضوع التخسيس ده هو انى بقيت بعانى من التهاب فالمفاصل وارتفاع فضغط الدم
واى دكتور كنت بروحله كان بيقولى لازم تخسي غير كده انا شغلى عاوز جسم خفيف
لحد محسيت ان فعلا رجلى مبقتش شايلانى ووصلت ل 110 كيلو والمشكله بقي ان اطرافى رفيعه جدا على جسمي
حتى انى روحت لدكتور ريجيم ولما شاف رجلى قالى كتر خير رجلك انها شايلاكى
المهم بقي انا قررت انى خلاص اغير حياتى كلها … واتغلب على ضعف الاراده
وجيبت المشايه الكهرباء من يومين بس … ولما بدات امشي عليها حاسه فعلا انى تقيله جدا وبتعب بسرعه
ان شاء الله انا حدخل تانى بعد اسبوع اقولكم انا خسيت قد ايه والنظام الى مشيت عليه
وللعلم . انا لما بمشي عليها بحس ان مفاصل ركبى مرتاحه هى العضلات شاده شويه بس المفصل نفسه مرتاح
بس بجد المشايه دى اختراع اولا لانى لما بمشي وبتعب برتاح شويه وارجع تانى وبمشي براحتى ومش مقيده
بصراحه اشتريت دماغى وراحتى لما جيبتها والاهم هو صحتى
ادعولى يابنات اخس … لانى بخس عشان صحتى قبل شكلى .. لانى فعلا تعبانة
بالنسبة للمشايه يابنات :
بالنسبة للمشايه يابنات انا جيبتها من مركز اليسر ونوعها ايليت هى صيني والتصميم بتاعها كوري جبتها ب 2300 واخدت عليها هدية ميزان ديجيتال
المشايه يابنات من غير كماليات لانى معنديش مكان اصلا للكماليات دى وبصراحه الفرق عامل 300 جنيه وجبت معاها سبراى السيليكون الايطالى ب 80 جنيه ومصاريف التوصيل ب 50 جنيه فدفعت كله 2430 جنيه بس دى كان عليها عرض واخدت عليها ميزان ديجيتال هديه بس رائع
ودى صورتها بس الى عندى من غير الكماليات بس ملقتش صورة ليها
غدغد الاسكندرانية غدغد الاسكندرانية 125201_7.gif سوبر فتكات Fatakat 125201 اسكندريه ماريه وترابها زعفران – مصر ام الدنيا