ازيكو يا قمرات
انا النهارده جايه احكيلكو عن تجربتى مع جهاز الكافيتيشن
واللى ميعرفوش ده جهاز بيبقى فى عيادات التخسيس بيشتغل بالموجات الصوتيه الاول الدكتوره بدأتلى نظام تسييح الدهون عملت اربع جلسات وبعدين بدأت النهارده فى جلسات الشد انا بعملو على البطن بصراحه الجهاز تحفه مشكلتو بس انو غالى الجلسه ب 100 جنيه
بس بصراحه مش خساره فى النتيجه انا حاسه بفرق جامد انا بطنى كانت بايظه من الحمل مرتين والقيصرى وحاسه ان منظرها اتحسن ومكمله ان شاء الله
بس فيه بعض الملاحظات هقولهالك
اولا النتيجه بتعتمد على نوع الجهاز يعنى فيه اجهزه نوعها اى كلام مبتجبش نتيجه انا بقه قبل ما ابدأ كنت بسئل اللى بيعملوها عن النتيجه ولما اتطمنت توكلت على الله
وحاجه تانيه ممكن الغدد الليمفاويه عندك تكون مسدوده وتسربش الدهون دى والجهاز ميجبش نتيجه وده مبيحصلش كتيير ولو مجابش نتيجه معاكى من اول مره متكمليش يعنى قيسى قبل الجلسه وبعد وخدى القياس وانتى نايمه على ضهرك
انا بعمل رجييم مع الجلسات بس رحت زرت ماما 5 ايام ونفضت للرجيم بمعنى الكلمه جسمى زاد شويه بس بطنى مزادتش خااااااااااااالص مع انها اول حاجه بتزيد فى اللخبطه
واى سؤال انا موجوده ومعاكو جلسه بجلسه
تفاحه فريش تفاحه فريش 880131_1.gif فتكات هايلة Fatakat 880131 القليوبيه – القليوبيه
سبحان الله و بحمده