ازيكم يا فتوكات يا حوامل ..ربنا يا رب يتمم حملنا على خير ويرزق كل مشتاقة يا رب الذرية الصالحة
انا قولت أقلوكو تجربيتى عن الطلق المبكر علشان كلة يستفيد
كان بيجيلى مغص كدة زى بتاع البيريود من اول الحمل وكل لما اسأل حد يقولى عادى رغم ان دة تالت حمل ليا يعنى مجربة قبل كدة
المهم يقلولى هيروح هيروح لحد الشهر الرابع كدة وقف تماما لغاية نص الخامس ثم بدا تانى من الخامس مرة والسادس مرة وأخرة مرة بس كانت جامدة اوى زى طلق الولادة بالظبط وقولت انا خلاص بولد وكلمت الدكتورة قالتلى تعالى على المستشفى بسرعة
وروحت وكان فعلا طلق ولادة وأديتنى محلول بحقن ولبوس وأدوية علشان توقف الطلق دة وإلا هولد وكانو حجزنلى مكان فى الحضانة كمان علشان لو ولدت وكنت واخدة حقن الرقة قبلها بيوم واحد بس وطبعا ملحقتش تعمل حاجة
المهم الحمد للة ربنا استجاب دعائى والطلق وقف وروحت تانى يوم وكنت لسة معلقة المحاليل فى أيدى كمان يومين وبعدها بقيت أخد أقراص وأدوية والحمد للة مفيش طلق بس لو وقفت الدوا بيجيلى مغص علطول دة غير ان البيبى راسة نزلت تحت وبدأ يضغط جامد كانى فى التاسع خلاص
انا دلوقتى فى اخر السابع وبتمنى اعدى نص التامن بس على خير وطبعا لازم الراحة التامة ..
اخلاصة بقة من كل دة ان لازم دكتور امين تتابعى معاة لأن لولا الدكتورة دى بعد ربنا كان زمانى ولدت وريحت دماغها وميفرقش معاها البيبى يدخل حضانة ولا لاءة ودة الى حصلى فى ابنى التانى ولدتة اول يوم فى التاسع وكان المفروض الدكتورة تعملى سونار وتتأكد ان الرئة مكتملة ولا لاءة ولو مش مكتملة توقف الطلق دة 48 ساعة وتدينى الحقن وبعدين اولد حماية للبيبى لكن طبعا استغلت الفرصة والبيبى دخل حضانة 20 يوم ..اللة يسامحها
تاخدى حقن الرئة من بدرى
بلاش المجهود الزيادة من السابع كدة حتى لو بتولدى قيصرى
اكل كل يوم ملعقة عسل نحل علشان دى بتفرق اوى فى وزن البيبى وبيكبر بسرعة وعن تجربة
الدعاء ثم الدعاء ثم الدعاء
دة موضوع ليا عن الأبيديورال علشان الى عايزة تعرف عنها
https://fatakat.univanet.com/#3717331
om anas wmalk om anas wmalk 635503_4.gif فتكات متميزة Fatakat 635503 cairo – egypt