السلام عليكم ورحمه الله وبركاته
معلش ممكن الموضوع يكون طويل شويه بس فى الاخر هتفهموا انا ليه قولت كده
انا متزوجه من كام شهر وابتدى قلق الخلفه يظهر وانا شخصيه موسوسه جدا وجبانه جدا
وحطى تحت جبانه ده مليون خط يعنى تحملى للالم صفر حتى لو كان الالم بالنسبه لوحده
تانيه عادى بالنسبه ليه يبقى مميت المهم روحت كاشفت ها يا دكتور عندى اه معندكيش
حاجه وكله تمام طيب يمكن جوزى خليت جوزى يعمل تحليل الرجال تمام طيب العيب فين
قالى اعملى اشعه صبغه هى اللى هتبين كل حاجه
وهنا بدءت الرحله قولت انا مش هعمل الاشعه عميانى ده انا جبانه طب اعمل اه؟
دخلت فتكات اعمل سيرش على اللى عملوها قبل كده اللى تقول بنج واللى تقول ده دمار
وصويت وموت وكل شئ وتهويل بقى مأولكيش وعلى بكره التأهويل ده هنا فى كل حاجه
وده كان السبب فى انى قررت مش اعملها بس ماما كانت حجزت وكلمت الدكتور وقالتلوا بنتى
هتعملها ببنج قالها ليه ده مش مستاهله قالتلوا اصلاها سألت وناس قالولها انها صعبه جدا
قالها لا يا فندم الكلام ده مش عندى قالها بزعيق لامى قولتلها الراجل ده شكله بق
المهم حدد ليا ميعا طب يا فندم اه التحضيرات قالى مفيش تحضيرات ما انا بتكلم بقى على اساس
اللى قريته هنا وبدءت اقلق اكتر المهم روحت للدكتور والدكتور بتاعى وصاه عليه قالوا خلى بالك ده جبانه المهم الدكتور خرجلى وقالى مش هتحتاجى انك تعمليها ببنج ومش هتحسى بأى حاجه
روحت بصيت ليه وقولت فى سرى والله انا مش خايفه غير من ثقتك الزايده ده
المهم نزلت حجره الاشعه والدكتور دخل وحطلى بتاعه كده زى منظار وسألنى حاسه بحاجه قولتله لا
قالى طب لو حسيتى بحاجه قوليلى عشان اوقف قولتله ماشى وبعدان دخل حقنه الصبغه من غير السن طبعا حسيت بحرقان راح قالى اكتمى نفسك كتمت نفسى راح قالى الاشعه خلصت يالله قومى
عايزه اقوله استنى ده الستات قالوا انهم 3 حقن قاليه مين اللى قالك كده دول بيضحكوا عليكوا وبعد الاشعه لما خلصت قالى اتمشى شويه وحسيت بمغص بسيط جدا لمده 10دقايق وروحت ويومى كان عادى جدا ولا نزل من دم خالص مع ان الكل قال هينزل ده وكده بس انا بجد مش هسمع لحد تانىلان الكلام كله غلط وانا مش نابنى الا كنت هموت من الخوف من حاجه هبله جدا عرفتى ليه انا كتبت انى جبانه عشان لو انا كنت حسيت بألم 1% فأى وحده غيرى مش هتحس بأى شئ وعلى فكره اللى عرفته ان فى نوعين من الصبغه صبغه زيت وده مؤلمه وصبغه ماء وده اغلى وغير مؤلمه انا الصبغه اللى اتعملى بيها كانت لونها شفاف يارب مكونش تقلت عليكم وياريت تدعولى بالذريه الصالحه لان الحمد لله الاشعه طلعت كويسه ولو شايفه ان الموضوع يستاهل قيميه عشان البنات اللى خايفه تعملها من المواضيع اللى قراتها هنا تشوف موضوعى وتتوكل على الله
حبيبى دائما2016 حبيبى دائما2016 فتكات نشيطة Fatakat 1203402 القاهره – مصر