انا جاية انهردة اكتبلكم تجربتى فى الحمل خارج الرحم
اولا :انا متجوزة من 2ونصف شهر كدة
ثانيا : دورتى جتلى عادى خمس ايام عادى وفى يوم التبويض اللى هو من اول يوم دورة لليوم الاربعتاشر من الدورة اللى هى فترة التبويض نزل عليا 3 نقط دم فقلت انا هروح للدكتور اشوف اية دة بس بليل وانا نايمة كانت بطنى كولها وجعانى وجع جامد شوية وفعلا تانى يوم رحت للدكتورة وطلبت منى تحاليل وعملتلى سونار وبس على كدة روحت البيت عادى بس كنت ابتديت احس بمغص فى بطنى كلها ونمت عادى وكتبتلى على مسكن اختة ونمت صحيت الساعة 5 الفجر على وجع وحش قوى لدرجة انى رحت المستشفى فى ساعتها ورحت طوارئ ودخلت بقى الدكتور كشف وطلب سونار وتحاليل تانية والمهم ان فى السونار ظهر زى كيس كدة جمب المبيض فالراجل بتاع السونار قالى ان دة ممكن يكون احتمالين يا زايدة او خراج على الزايدة يا حمل خارج الرحم المهم ان كان الوجع فظيع قوى وطبعا الدكتور بتاع النساء مقدرش يشخص الحالة غير بالتحليل الرقمى اللى كان المفروض يطلع الساعة 9 بليل وانا كنت فى المستشفى الساعة 6 الصبح روحت البيت ورجت تانى للمستشفى وكنت جبت التحاليل وطلع ان فى التحليل الرقمى انى حامل فى 3 اسابيع مع ان الدورة كانت جيالى من اسبوعين معرفش ازاى المهم الدكتور قالى لازم تعملى التحليل الرقمى دة تانى كمان يومين وساعتها هنشوف روحت البيت وانا مخنوقة وكنت اترفزت على الدكتور عشان قالى احنا هنستنى 4 اسابيع كمان وهنشوف حسيت انة مش فاهم حاجة المهم صحيت انهردة بقى ورحت اللدكتورة اللى انا رحتلها فى الاول وورتها التحاليل والسونار قالتلى انا كنت شاكة فى كدة طب انتى شاكة فى كدة مقلتيش من الاول لية دة بقى حسسنى انها ولا تعرف حاجة وغير كدة لو كانت شاكة فى حاجة زى دى كانت المفرو ض تطلب الاشاعات والتحاليل الخاصة بكدة لكن دى طلبت حاجات تانية المهم انى ان الاستفادة الوحيدة ان هى رشحتلى دكتور كويس فى السونار وطلع بالصدفة ان احنا اصلا عارفينة بس مجاش فى بلنا عشان هو صاحب عمى وبيشتغلو مع بعض فى عيادة واحدة المهم عمى كلمة واستنانا فى المستشفى لحد ما جينا كتر خيرة والله المهم ان الدكتور بتاع السونار دة هو اللى حسملنا الموضوع وعملى سونار عادى وسونار مهبلى وقالى جة حمل خارج الرحم ولازم تروحى لدكتور دلوقتى عشان التاخير غلط فى الحاجات دى وكويس ان محصلش انفجار فى القناة المهم رحت لدكتور هو رشحهولى كان قريب منة قوى بس مقلكوش كشفة غالى بصراحة بس ماشاء الله عالية والله فعلا دكتور بيفهم قالى فى الحالة بتاعتك دة انتى كدة كويسة واحس حل انك تخدى حقنة 90% بتجيب نتيجة و10% لا وساعتها هنطر نعملك عملية ونشيل القناة اللى فيها الجنين بس ورحت جبت الحقنة وبعتنا على المستشفى عشان اعمل تحاليل وظايف كبد وكلى عشان لازم تكون مظبوطة عشان اخدها وفعلا اختها والدكتور قالى لو حصل نزيف جامد لازم تروحى للمستشفى فورا ولو حصلك اغماء بردة اروح للمستشفى فورا بردة عشان كدة اكون دخلت فى مرحلة الخطر وساعتها لازم يعملولى العملية
انا كتبتلكو تجربتى عشان الكل يستفاد ويعرف ان فى حاجات وبالزات اللى تخص النساء والولادة لازم بجد يكون دكتور كويس ومحترم ومش مهم الفلوس بجد عشان المكان دة هو حيات الست كلها لازم اهتمام كويس عشان اى خلط ممكن تنهى حياتك باى حاجة بقى ممكن بعدم الخلفة طول عمرك زى اللى ممكن كان هيحصلى او انى اشيل جزء من الرحم وعملية وكدة يعنى لو عايزين اى استفسار انا تحت امركم انا مكتبتش اامى المستشفى ولا الدكاترة عشان محدش يقولى بعمل دعاية بس اللى عايز اى استفسار انا تحت امرة
hams_nada hams_nada 602441_4.gif فتكات هايلة Fatakat 602441 القاهرة – القاهرة